കൊയിലണ്ടി: കൂടത്തായി പരമ്പര കൊലപാതക കേസിലെ മുഖ്യപ്രതി ജോളിയെ ചോദ്യം ചെയ്യല് തുടരുന്നു. രാവിലെ വനിതാ സെല്ലില് നിന്നും പയ്യോളി ക്രൈംബ്രാഞ്ച് ഓഫീസില് എത്തിച്ചാണ് ചോദ്യം ചെയ്യുന്നത്. ഇതിനിടെ ദേഹാസ്വാസ്ഥ്യം പ്രകടിപ്പിച്ച ജോളിയെ ആശുപത്രിയില് കൊണ്ടുപോയി വൈദ്യപരിശോധനയും നടത്തി.
രാവിലെ ചോദ്യം ചെയ്യലിനിടെയാണ് വയറുവേദന അനുഭവപ്പെടുന്നുവെന്ന് ജോളി അറിയിച്ചത്. ഇതേ തുടര്ന്ന് കൊയിലാണ്ടി താലൂക്ക് ആശുപത്രിയില് എത്തിക്കുകയായിരുന്നു. ഡോക്ടറെ കണ്ട് പുറത്തിറങ്ങുന്നതിനിടെ ജോളി മുഖം മറച്ചിരുന്ന ഷാള് മാറ്റാന് ശ്രമിച്ചത് സംഘര്ഷത്തിനിടയാക്കി.
ആശുപത്രിയില് തിങ്ങിക്കൂടിയ ജനക്കൂട്ടം മൊബൈല് ഫോണില് ജോളിയെ കൊണ്ടുപോകുന്ന ദൃശ്യം ചിത്രീകരിക്കുകയായിരുന്നു. ഇതിനിടെയാണ് ആള്ക്കൂട്ടത്തില് നിന്ന് ഒരാള് ജോളി മുഖം മറച്ചിരുന്ന ഷാള് പിടിച്ചുവലിച്ചത്. ഇത് നേരിയ കയ്യേറ്റത്തിന് ഇടയാക്കി. ഷാള് മാറ്റിയ കൊയിലാണ്ടി സ്വദേശി ഷാജുവിനെ പോലീസ് കസ്റ്റഡിയിലെടുത്തു.
