റാഞ്ചി: വിശാഖപട്ടണം, പൂനെ ടെസ്റ്റുകള്ക്കു പിന്നാലെ റാഞ്ചിയിലും ആധിപത്യം നിലനിര്ത്തി ഇന്ത്യ. ഇന്ത്യയ്ക്കെതിരായ മൂന്നാമത്തേതും അവസാനത്തേതുമായ ടെസ്റ്റ് മത്സരത്തിന്റെ ആദ്യ ഇന്നിങ്സില് ദക്ഷിണാഫ്രിക്ക തകര്ച്ചയിലേക്ക് നീങ്ങുകയാണ്. ഇന്ത്യയുടെ 497 റണ്സ് പിന്തുടരുന്ന ദക്ഷിണാഫ്രിക്കയ്ക്ക് മൂന്നാം ദിനം തുടക്കത്തില് തന്നെ ആറു വിക്കറ്റുകള് നഷ്ടമായി. 36 ഓവര് പിന്നിടുമ്പോള് ദക്ഷിണാഫ്രിക്ക ആറു വിക്കറ്റ് നഷ്ടത്തില് 129 റണ്സെന്ന നിലയിലാണ്. നാലു വിക്കറ്റ് അവശേഷിക്കെ 368 റണ്സിനു പിന്നിലാണ് ദക്ഷിണാഫ്രിക്ക. നാലു റണ്സുമായി ഡെയ്ന് പീഡ്റ്റും 10 റണ്സുമായി ജോര്ജ് ലിന്ഡെയുമാണ് ക്രീസില്. ഉമേഷ് യാദവ്, രവീന്ദ്ര ജഡേജ എന്നിവര് രണ്ടു വിക്കറ്റ് വീതവും മുഹദ് ഷമി, ഷബാസ് നദീം ഓരോ വിക്കറ്റും വീഴ്ത്തി.
മൂന്നാം ടെസ്റ്റില് ഇന്ത്യ നേടിയ മികച്ച് സ്കോറിനെതിരെ ദക്ഷിണാഫ്രിക്കയ്ക്ക് തകര്ച്ചയോടെയായിരുന്നു തുടക്കം. ഒന്നാം ഇന്നിങ്സില് ഇന്ത്യ 497 റണ്സിന് ഡിക്ലയര് ചെയ്യുകയായിരുന്നു. മറുപടി ബാറ്റിംഗിന് ഇറങ്ങിയ ദക്ഷിണാഫ്രിക്ക ഒന്പത് റണ്സ് കൂട്ടിച്ചേര്ക്കുമ്പോഴേക്കും രണ്ട് വിക്കറ്റുകള് നഷ്ടമായി.ഡീന് എഡ്ഗറും ഡിക്കോക്കുമാണ് പുറത്തായത്. നാല് റണ്സാണ് ഡിക്കോക്കിന്റെ സമ്പാദ്യം. ഡീനിന് റണ് ഒന്നും നേടാനുമായില്ല. എന്നാല് വെളിച്ചക്കുറവ് മൂലം കളി നേരത്തെ അവസാനിപ്പിക്കുകയായിരുന്നു. രണ്ടു വിക്കറ്റ് നഷ്ടത്തില് ഒന്പതു റണ്സെന്ന നിലയില് മൂന്നാം ദിനം കളി ആരംഭിച്ച ദക്ഷിണാഫ്രിക്കന് നായകന് ഫാഫ് ഡുപ്ലെസിസിനെ പുറത്താക്കി ഉമേഷ് യാദവാണ് മൂന്നാം ദിനം വിക്കറ്റ് വേട്ട ആരംഭിച്ചത്. ഒന്പത് പന്തില് ഒരു റണ്സായിരുന്നു ഡുപ്ലെസിസിന്റെ സമ്പാദ്യം. തുടര്ന്ന് നാലാം വിക്കറ്റില് സുബയ്ര് ഹംസയും തെംബ ബാവുമയും സ്കോര് നുറു കടത്തി. ഈ സഖ്യത്തെ പിരിച്ചത് രവീന്ദ്ര ജഡേജയാണ്. 79 പന്തില് 62 റണ്സെടുത്ത് നില്ക്കെയാണ് സുബെയ്ര് ഹംസയുടെ വിക്കറ്റ് ജഡേജ വീഴ്ത്തിയത്. തൊട്ടടുത്ത ഓവറില് ബാവുമ ഷബാസ് നദീമിന് 'ആദ്യ' വിക്കറ്റ് നല്കി മടങ്ങി. 72 പന്തില് 32 റണ്സായിരുന്നു നദീമിന്റെ സമ്പാദ്യം. ആറു റണ്സെടുത്ത് നിന്ന് ഹെയ്ന്റിച്ച് ക്ലാസന്റെ വിക്കറ്റും ജഡേജയാണ് വീഴ്ത്തിയത്.
ഇരട്ട് സെഞ്ച്വറി നേടിയ രോഹിത്തിന്റെ പ്രകടനത്തിലാണ് ഇന്ത്യന് ഉയര്ന്ന സ്കേറിലോക്ക് എത്തിയത്. 255 പന്തില് നിന്ന് 212 റണ്സെടുത്താണ് രോഹിത് പുറത്താകുന്നത്. ആറ് സിക്സറും 28 ബൗണ്ടറിയുമാണ് രോഹിത്തിന്റെ സമ്പാദ്യം. ടെസ്റ്റ് കരിയറിലെ രോഹിത്തിന്റെ ഉയര്ന്ന സ്കോറാണിത്. ആദ്യ ഡബിള് സെഞ്ച്വറിയും. വിന്ഡീസുമായി നടന്ന മത്സരത്തില് 177 റണ്സായിരുന്നു ഇതുവരെയുള്ള ഏറ്റവും ഉയര്ന്ന സ്കോര്.
രോഹിത്തൊനൊപ്പം റഹാനെയും കളിയില് സെഞ്ച്വറി തികച്ചു. റഹാനെയുടെ പതിനൊന്നാം ടെസ്റ്റ് സെഞ്ച്വറിയാണിത്. 192 പന്തില് 115 റണ്സാണ് നേടിയത്. ഒരു സിക്സറും 17 ബൗണ്ടറിയും അടങ്ങുന്നതാണ് റഹാനെയുടെ ഇന്നിംങ്സ്.
മൂന്നിന് 39 എന്ന സ്കേറില് പതറിയ ഇന്ത്യയെ റഹാനെയും രോഹിത്തും ചേര്ന്നാണ് ഭേധപ്പെട്ട് സ്കോറിലേക്ക് എത്തിച്ചത്. നാലാം വിക്കറ്റില് ഇരുവരും ചേര്ന്ന് 267 റണ്സാണ് കൂട്ടിച്ചേര്ത്തത്. ഇന്ത്യന് സ്കോര് 306 ല് നില്ക്കെ റഹാനെ പുറത്തായി. ലിന്ഡെക്കാണ് വിക്കറ്റ്. പിന്നാലെ രോഹിത്തും മടങ്ങി. റബാഡയ്ക്കാണ് വിക്കറ്റ്. പിന്നീട് ജഡേജ 51 ഉം, സാഹ 24 ഉം, ഉമേഷ് യാദവ് 31 ഉം റണ്സെടുത്ത് മടങ്ങി.
ദക്ഷിണാഫ്രക്കയ്ക്ക് വേണ്ടി ജോര്ജ് ലിന്ഡെ നാലും റബാഡ മൂന്നും വിക്കറ്റ് വീഴ്ത്തി
