മുംബൈ ഛണ്ഡീഗഡ്: മഹാരാഷ്ട്ര, ഹരിയാന നിയമസഭകളിലേക്ക് നടന്ന തിരഞ്ഞെടുപ്പിന്റെ വോട്ടെടുപ്പ് പൂര്ത്തിയായതോടെ എക്സിറ്റ് പോള് ഫലങ്ങള് പുറത്തുവന്നു. മഹാരാഷ്ട്രയിലും ഹരിയാനയിലും ബി.ജെ.പി ഭരണം നിലനിര്ത്തുമെന്ന് ഭൂരിപക്ഷം എക്സിറ്റ് പോള് ഫലങ്ങളും പ്രവചിക്കുന്നു.
ഇന്ത്യാ ടുഡേ-ആക്സിസ് മൈ ഇന്ത്യ സര്വേയില് എക്സിറ്റ് പോളില് മഹാരാഷ്ട്രയില് ബി.ജെ.പി-ശിവസേന സഖ്യം 166 മുതല് 194 വരെ സീറ്റുകള് നേടുമെന്ന് സര്വേ പ്രവചിക്കുന്നു. കോണ്ഗ്രസ്-എന്.സി.പി സഖ്യത്തിന് 72-90 സീറ്റുകളാണ് സര്വേ പ്രവചിക്കുന്നത്. മറ്റ് പാര്ട്ടികള് 22-34 സീറ്റുകള്. ടൈംസ് നൗ സര്വേയിലും ബി.ജെ.പി-ശിവസേന സഖ്യത്തിന് മുന്നേറ്റം പ്രവചിക്കുന്നു. ബി.ജെ.പി-സേനാ സഖ്യം 230 സീറ്റ് നേടുമെന്നാണ് ടൈംസ് നൗ പ്രവചനം. കോണ്ഗ്രസ് എന്.സി.പി സഖ്യം 48 സീറ്റില് ഒതുങ്ങുമെന്നും ടൈംസ് നൗ പ്രവചിക്കുന്നു. കോണ്ഗ്രസ്-എന്.സി.പി സഖ്യത്തിന് 48 സീറ്റുകള് മാത്രമാണ് ടൈംസ് നൗ നല്കുന്നത്. മറ്റ് പാര്ട്ടികള്ക്ക് 10 സീറ്റുകള്.
ന്യുസ് എക്സ്-പോള് സ്റ്റാര് സര്വേയില് ബി.ജെ.പി-ശിവസേനാ സഖ്യത്തിന് 188-200 സീറ്റുകളാണ് പ്രവചിക്കുന്നത്. കോണ്ഗ്രസ്-എന്.സി.പി സഖ്യത്തിന് 74-89 സീറ്റുകള് മാത്രമാണ് ന്യുസ് എക്സ്-പോള് സര്വേ പ്രവചിക്കുന്നത്. മറ്റ് പാര്ട്ടികള്ക്ക് ഏഴ് മുതല് പത്ത് സീറ്റുകള് വരെ പ്രവചിക്കുന്നു. ടി.വി9 മറാത്തി-സിസറോ എക്സിറ്റ് പോളില് എന്.ഡി.എ സഖ്യത്തിന് 197 സീറ്റുകള് നല്കുന്നു. യു.പി.എ സഖ്യം 75 സീറ്റില് ഒതുങ്ങും.
സി.എന്.എന് ന്യൂസ് 18-ഇസ്പോസ് എക്സിറ്റ് പോളില് എന്.ഡി.എ സഖ്യത്തിന് 234 സീറ്റുകള് പ്രവചിക്കുന്നു. യു.പി.എ സഖ്യം 41 സീറ്റില് ഒതുങ്ങും.
ഹരിയാനയിലും ബി.ജെ.പി മുന്നേറ്റമാണ് സര്വേകള് പ്രവചിക്കുന്നത്. ഹരിയാനയില് ഇന്ത്യ ന്യൂസ്-പോള് സ്റ്റാര് സര്വേയില് ബി.ജെ.പി 75-80 സീറ്റുകളാണ് സര്വേ പ്രവചിക്കുന്നത്. കോണ്ഗ്രസ് 9-12 സീറ്റില് ഒതുങ്ങും. ന്യുസ് എക്സ് സര്വേയിലും ബി.ജെ.പി മുന്നേറ്റമാണ് പ്രവചിക്കുന്നത്. ടൈംസ് നൗ സര്വേയില് ബി.ജെ.പിക്ക് 71 സീറ്റ് പ്രവചിക്കുന്നു. കോണ്ഗ്രസ് 11 സീറ്റിലൊതുങ്ങും. മറ്റ് പാര്ട്ടികള്ക്ക് 8 സീറ്റുകളാണ് പ്രവചിക്കുന്നത്. ന്യൂസ്18-ഇപ്സോസ് സര്വേയില് ബി.ജെ.പിക്ക് 75 സീറ്റുകളാണ് പ്രവചിക്കുന്നത്. കോണ്ഗ്രസ് 10 സീറ്റില് ഒതുങ്ങും. മറ്റുള്ളവര് 5 സീറ്റുകള്.
എ.ബി.പി ന്യൂസ്-സി വോട്ടര് സര്വേയില് ബി.ജെ.പി 72 സീറ്റ്. കോണ്ഗ്രസ് 8 സീറ്റുകള്. മറ്റുള്ളവര് 10 സീറ്റ്. ടി.വി9 - ഭാരത്ടിവി സര്വേയില് ബി.ജെ.പിക്ക് 47 സീറ്റുകളാണ് പ്രവചിക്കുന്നത്. കോണ്ഗ്രസിന് 23 സീറ്റും മറ്റ് പാര്ട്ടികള്ക്ക് 20 സീറ്റും പ്രവചിക്കുന്നു. റിപ്പബ്ലിക്-ജന് കി ബാത് സര്വേയില് ബി.ജെ.പിക്ക് 52-63 സീറ്റ് പ്രവചിക്കുന്നു. കോണ്ഗ്രസിന് 15-19 സീറ്റുകള്. മറ്റുള്ളവര്ക്ക് 12-18 സീറ്റുകളും സര്വേ പ്രവചിക്കുന്നു.
