തിരുവനന്തപുരം: നടന് ബിനീഷ് ബാസ്റ്റിനെ അപമാനിച്ച സംഭവത്തില് രാജിവയ്ക്കാനോ മാപ്പ് പറയാനോ തയ്യാറാണെന്ന് പാലക്കാട് മെഡിക്കല് കോളജ് പ്രിന്സിപ്പല് ഡോ. ടി.ബി കുലാസ്. തിരുവനന്തപുരത്ത് എത്തി പട്ടികജാതി-പട്ടികവര്ഗ വകുപ്പ് മന്ത്രി എ.കെ ബാലനുമായി കൂടിക്കാഴ്ച നടത്തിയ ശേഷമാണ് കുലാസ് നിലപാട് വ്യക്തമാക്കിയത്. മന്ത്രി ബാലനെയും കുലാസ് നിലപാട് അറിയിച്ചു.
താനാരെയും ജാതിപ്പേര് വിളിച്ച് അപമാനിച്ചിട്ടില്ല. തനിക്ക് ബിനീഷിനെയും അനിലിനെയും അറിയില്ലെന്നും കുലാസ് പറഞ്ഞു. ആരാണ് ബിനീഷ് ആരാണ് അനില് രാധാകൃഷ്ണന് മേനോന് എന്നൊന്നും എനിക്ക് അറിയില്ല. എനിക്ക് സിനിമയുമായി യാതൊരു ബന്ധവുമില്ല. ആര് എപ്പോള് ഏത് പരിപാടിയില് പങ്കെടുക്കുമെന്നൊന്നും തനിക്കറിയില്ല. യൂണിയന് ആരെയാണ് ക്ഷണിച്ചതെന്ന് അറിയില്ലെന്നും ഡോ. കുലാസ് കൂട്ടിച്ചേര്ത്തു.
സംഭവം വിവാദമായിക്കഴിഞ്ഞിട്ടും ബിനീഷിനെ പരിപാടിയില് പങ്കെടുക്കുന്നതില് നിന്ന് താന് തടഞ്ഞിട്ടില്ലെന്നാണ് പ്രിന്സിപ്പലിന്റെ വാദം. എങ്ങനെ ഞാന് അങ്ങേരെ തടയും അങ്ങേരുടെ സൈസ് കണ്ടിട്ടുണ്ടോ എന്നെക്കണ്ടോ യൂണിയന് വിളിച്ചുകാണും അതുകൊണ്ടല്ലേ ഇവരൊക്കെ വന്നത്-കുലാസ് പറഞ്ഞു.
അതേസമയം അതിഥികളെ ക്ഷണിക്കുന്നത് യൂണിയന് മാത്രമാണോ ചെയ്യുന്നതെന്ന ചോദ്യത്തിന് പ്രിന്സിപ്പലറിയാതെ അത് ചെയ്തത് തെറ്റാണെന്നും പക്ഷേ താനൊരു പ്രിന്സിപ്പലാണ്. അച്ഛന്റെ സ്ഥാനത്ത് നില്ക്കുന്നയാളാണ്. അവരെ ഒറ്റിക്കൊടുക്കുന്നത് ശരിയാണോയെന്നും ഡോ കുലാസ് ചോദിച്ചു.
