അഞ്ചല്: സ്വകാര്യ കോളsജിലെ ബിരുദ വിദ്യാര്ഥിനിക്ക് നേരെ അതേ കോളേജിലെ വിദ്യാര്ത്ഥിനിയുടെ ക്രൂരമര്ദ്ദനം. മര്ദ്ദനത്തില് വിദ്യാര്ത്ഥിനിയുടെ മൂക്കില് നിന്നും ചോര വന്നു. ഇത് കണ്ടു നിന്ന കൂട്ടുകാരി അബോധാവസ്ഥയിലായി. കൊല്ലം അഞ്ചല് പഞ്ചായത്ത് ബസ് സ്റ്റാന്ഡിന് സമീപം ഇന്നലെ ഉച്ചയ്ക്ക് രണ്ട് മണിയോടെയാണ് സംഭവം. ഇടമുളയ്ക്കല് പടിഞ്ഞാറ്റിന്കരയിലെ കോളജിലെ വിദ്യാര്ത്ഥികളാണ് ഇവര്. സുഹൃത്തിനൊപ്പം പുറത്തിറങ്ങിയ പെണ്കുട്ടിയെ ബൈക്കിലെത്തിയ വിദ്യാര്ത്ഥി ക്രൂരമായി മര്ദ്ദിക്കുകയായിരുന്നുവെന്ന് നാട്ടുകാര് വ്യക്തമാക്കി.
നാട്ടുകാര് ഓടിയെത്തിയപ്പോഴേക്കും പെണ്കുട്ടിയെ മര്ദ്ദിച്ചയാള് കടന്നു കളഞ്ഞിരുന്നു. തുടര്ന്ന് നാട്ടുകാര് പെണ്കുട്ടിയെ പ്രദേശത്തെ സ്വകാര്യ ആശുപത്രിയില് പ്രവേശിപ്പിച്ചു. പെണ്കുട്ടിയെ മര്ദിച്ച വിദ്യാര്ഥി അഞ്ചല് അരീപ്ലാച്ചി സ്വദേശിയാണന്നു സിഐ: സി.എല്.സുധീര് അറിയിച്ചു. പെണ്കുട്ടിയുടെ മൊഴിയെടുത്തശേഷം ഇയാള്ക്കെതിരെ കേസെടുത്തു. പ്രതിയെ കണ്ടെത്താനുള്ള ശ്രമം തുടരുന്നു.
