ഭോപ്പാല്‍: മൃഗസ്‌നേഹികള്‍ക്ക് ഏറെ സന്തോഷം നല്‍കുന്ന ഒരു കാഴ്ചയാണ് മധ്യപ്രദേശിലെ പെന്‍ച് ആന്റ് സെന്‍ട്രറല്‍ ടൈഗര്‍ റിസര്‍വില്‍ നിന്നും പുറത്തുവന്നിരിക്കുന്നത്. ഒരു പെണ്‍കടുവയും മൂന്നു മക്കളും കുടുംബസമേതം റിസര്‍വിലെ ഒരു ജലാശയത്തില്‍ എത്തി വെള്ളം കുടിക്കുന്ന മനോഹരമായ വീഡിയോ ആണിത്. ഫോറസ്റ്റ് സര്‍വീസിലെ ഉദ്യോഗസ്ഥനായ സുശാന്ത നന്ദയാണ് തന്റെ ട്വിറ്റര്‍ പേജിലുടെ വീഡിയോ പങ്കുവച്ചത്.
റോയല്‍ ബംഗാള്‍ കടുവ ഇനത്തില്‍പെട്ട 'കോളര്‍വാലി'യാണ് തന്റെ മക്കളുമൊത്ത് വെള്ളം കുടിക്കാന്‍ എത്തിയത്. ജനുവരിയില്‍ പെന്‍ച് ടൈഗര്‍ റിസര്‍വില്‍ നാലു മക്കള്‍ക്ക് ഇവള്‍ ജന്മം നല്‍കിയിരുന്നു. ഇവരില്‍ മൂന്നു പേരാണ് അമ്മയ്‌ക്കൊപ്പം വെ്‌ളം കുടിക്കാന്‍ എത്തിയത്.
കടുവകള്‍ക്ക് ഭക്ഷണമില്ലാതെ രണ്ടാഴ്ചവരെ ജീവിക്കാന്‍ കഴിയും. എന്നാല്‍ വെള്ളമില്ലാതെ നാലു ദിവസത്തില്‍ കൂടുതല്‍ നിലനില്‍ക്കാന്‍ കഴിയില്ലെന്നും സുശാന്ത നന്ദ പറയുന്നു. ട്വീറ്റ് ചെയ്ത് രണ്ടു മണിക്കൂറിനുള്ളില്‍ 3000 ഓളം പേരാണ് വീഡിയോ കണ്ടത്. വീഡിയോ ദൃശ്യത്തെ അഭിനന്ദിച്ച് നൂറുകണക്കിന് കമന്റുകളാണ് സുശാന്ത നന്ദയ്ക്ക് ലഭിക്കുന്നത്.
Comments