ധ്യമപ്രവര്ത്തകന് കെ.എം ബഷീറിന്റെ മരണത്തിന് ഇടയാക്കിയ വാഹനാപകടം ഉണ്ടാക്കിയത് ശ്രീറാം വെങ്കിട്ടരാമന്റെ അശ്രദ്ധമായ ഡ്രൈവിങ് മൂലമെന്ന് മന്ത്രി എ.കെ ശശീന്ദ്രന്. പി.കെ ബഷീറിന്റെ ചോദ്യത്തിന് നിയമസഭയില് വിശദീകരണം നല്കുകവേയാണ് മുഖ്യമന്ത്രി ഇത്തരമൊരു പരാമര്ശം നടത്തിയത്.
എന്നാല്, ശ്രീറാം വെങ്കിട്ടരാമന് മദ്യപിച്ചിരുന്നുവോ എന്ന ചോദ്യത്തിന് പി.കെ ബഷീറിന് രേഖാമൂലം നല്കിയ മറുപടിയില് മന്ത്രി വ്യക്തമാക്കിയിട്ടില്ല.
ഓഗസ്റ്റ് മൂന്നിന് പുലര്ച്ചെയാണ് ശ്രീറാം വെങ്കിട്ടരാമന് ഓടിച്ച കാര് ഇടിച്ച് കെ.എം ബഷീര് മരിക്കുന്നത്. സര്വീസ് ചട്ടങ്ങളുടെ ലംഘനം ചൂണ്ടിക്കാട്ടി കേസില് പ്രതിയായ ശ്രീരാമിനെ അടുത്ത ദിവസം സര്ക്കാര് സസ്പെന്റു ചെയ്തു. ശ്രീറാമിന് സര്ക്കാര് കാരണം കാണിക്കല് നോട്ടീസും നല്കിയിരുന്നു. എന്നാല് സര്ക്കാര് നല്കിയ നോട്ടീസിലെ എല്ലാ കാര്യങ്ങളും നിഷേധിച്ചായിരുന്നു ശ്രീറാമിന്റെ മറുപടി.
താന് മദ്യപിച്ച് വാഹനമോടിച്ചിട്ടില്ലെന്നും വ്യാജരേഖയുണ്ടാക്കാന് ശ്രമിച്ചിട്ടില്ലെന്നുമായിരുന്നു ശ്രീറാമിന്റെ വിശദീകരണം.
