പാരീസ് : തീരത്തേക്ക് ഒഴുകിയെത്തുന്നത് കീലോകണക്കിന് ലഹരിമരുന്നുകള് പ്രധാനപ്പെട്ട ബീച്ചുകള് അടച്ച് ഫ്രാന്സ്. ഫ്രാന്സിലെ ദക്ഷിണ പടിഞ്ഞാറന് മേഖലയിലെ മിക്ക ബീച്ചുകളിലേക്കും ഓരോ തിരയിലും ഒഴുകി എത്തുന്നത് കിലോകണക്കിന് കൊക്കെയ്ന് പാക്കറ്റുകളാണ്. ഒക്ടോബര് മധ്യത്തോടെ ആരംഭിച്ച ഈ പ്രതിഭാസത്തില് 1000 കിലോയിലേറെ കൊക്കെയ്ന് ഇതിനോടകം പൊലീസ് പിടച്ചെടുത്തത്.
പൊലീസ് പരിശോധന കര്ശനമാക്കിയതോടെയാണ് ലഹരിമരുന്ന് വിതരണക്കാര് ഇത്തരം മാര്ഗങ്ങള് പരീക്ഷിക്കുന്നതെന്നാണ് പൊലീസ് വ്യക്തമാക്കുന്നത്. ബീച്ചുകള് അടച്ച് തീരമേഖലയിലെ പരിശോധന കര്ശനമാക്കിയതോടെ ലഹരിമരുന്നു പാക്കറ്റുകള് വടക്കന് മേഖലയിലെ തീരത്തേക്കും എത്തുന്നുണ്ടെന്നാണ് പൊലീസ് സംശയിക്കുന്നത്. കടലില് നങ്കൂരമിട്ടിരിക്കുന്ന കാര്ഗോ കപ്പലുകളില് നിന്നാണ് ലഹരിമരുന്ന് പാക്കറ്റുകള് തീരത്തേക്ക് എത്തുന്നെതാണ് സംശയം.
ഉള്ക്കടലിലും സമാനരീതിയിലുളള പാക്കറ്റുകള് കണ്ടതായി കസ്റ്റംസ് ഉദ്യോഗസ്ഥര് വിവരം നല്കിയിരുന്നു. നൂറോളം അന്വേഷണ ഉദ്യോഗസ്ഥരാണ് നിലവിലെ ഈ കൊക്കെയ്ന് പ്രതിഭാസത്തിന് പിന്നിലെ കാരണം കണ്ടെത്താന് അന്വേഷണം നടത്തുന്നത്.
അതേസമയം, ഏറെ അപകടകരമായ കൊക്കെയ്ന് ആണ് തീരത്തടിയുന്നതെന്നും ജനങ്ങള് ഒരുകാരണവശാലും പാക്കറ്റുകളില് തൊടരുതെന്നും പോലീസ് മുന്നറിയിപ്പ് നല്കയിട്ടുണ്ട്. കൊക്കയിന് വന്നടിയടിയുന്ന വിവരമറിഞ്ഞ് നിരവധിപേരാണ് കടല്തീരങ്ങളിലേക്ക് വരുന്നതെന്നും ഇത് ഉപയോഗിക്കുന്നത് അപകടകരമാണെന്നും പോലീസ് പറയുന്നു.
കഴിഞ്ഞ ദിവസം ഒരു 17 കാരനെ അഞ്ചുകിലോ കൊക്കെയ്നുമായി പോലീസ് പിടികൂടിയിരുന്നു. ഇതിനുപിന്നാലൊയണ് പോലീസ് കടല്തീരങ്ങളില് പരിശോധന കര്ശനമാക്കാന് പോലീസ് തീരുമാനിച്ചത്. ബീച്ചുകളില് നടന്നു പോകുന്നതു പോലും ഇവിടങ്ങളില് പോലീസ് നിരോധിച്ചിരിക്കുകയാണ്. മാത്രമല്ല ബീച്ചിനു സമീപത്തെുന്ന വാഹനങ്ങളും പരിശോധിക്കുന്നുണ്ട്. അതേസമയം , കഴിഞ്ഞ സെപ്റ്റംബറില് ഡൊറൈന് ചുഴലിക്കാറ്റ് ആഞ്ഞടിച്ചവേളയില് ഫ്ളോറിഡയിലെ തീരങ്ങളില് വന്നടിഞ്ഞ അതേ അടയാളമുളള കൊക്കെയ്ന് ഫ്രാന്സിലും കണ്ടെത്തിയതെന്നും റിപ്പോര്ട്ടുകളുണ്ട്.
