കൊല്ക്കത്തയിലെ ഈഡന് ഗാര്ഡന്സില് എല്ലാം ചരിത്രമായിരുന്നു. പിങ്ക് പന്ത്, ഡേ-നൈറ്റ് അങ്ങനെ, അങ്ങനെ.. ചരിത്ര മത്സരത്തിനു അവസാനം മറ്റ് ചരിത്രങ്ങള് കൂടി കൂട്ടിച്ചേര്ത്താണ് ഇന്ത്യയുടെ വിജയം. ബംഗ്ലാദേശിനെതിരായ രണ്ടാം ക്രിക്കറ്റ് ടെസ്റ്റില് ഇന്നിങ്സിനും 46 റണ്സിനുമാണ് ഇന്ത്യന് വിജയം. ഇതോടെ മൂന്ന് മത്സരങ്ങളുള്ള പരമ്പര ഇന്ത്യ 2-0 ന് സ്വന്തമാക്കുകയും ചെയ്തു.
പിങ്ക് ഡേ-നൈറ്റ് ടെസ്റ്റ് വിജയത്തോടെ കോഹ്ലിയും സംഘവും നാട്ടില് തുടര്ച്ചയായ അഞ്ചാം ടെസ്റ്റ് ജയമാണ് സ്വന്തമാക്കിയത്. ദക്ഷിണാഫ്രിക്കയെ 3-0 ന് തകര്ത്ത് ഇന്ത്യ ടെസ്റ്റ് പരമ്പര സ്വന്തമാക്കിയിരുന്നു. ഇതോടെ ലോക ടെസ്റ്റ് ചാമ്പ്യന്ഷിപ്പില് എതിരാളികളെ ബഹുദൂരം പിന്നിലാക്കിയാണ് കോഹ്ലിപ്പടയുടെ കുതിപ്പ്.
