തിരുവനന്തപുരം : കെ.എസ്.യു പ്രവര്ത്തകരുടെ സര്ട്ടിഫിക്കറ്റുകള് കത്തിച്ചുവെന്ന പരാതിയില് തിരുവനന്തപുരം യൂണിവേഴ്സിറ്റി കോളജിന് മുന്നില് വീണ്ടും സംഘര്ഷം. കെ.എസ്.യു പ്രവര്ത്തകരും എസ്എഫ്ഐ പ്രവര്ത്തകരും തമ്മില് ഏറ്റുമുട്ടി. പ്രവര്ത്തകര് പരസ്പരം കല്ലെറിഞ്ഞു.
കെ.എസ്.യു സംസ്ഥാന പ്രസിഡന്റ് അഭിജിത്തിന് കല്ലേറില് പരിക്കേറ്റു. പോലീസ് ആംബുലന്സില് ഇദ്ദേഹത്തെ ആശുപത്രിയിലേയ്ക്ക് കൊണ്ടുപോകാന് ശ്രമിച്ചെങ്കിലും പ്രശ്ന പരിഹാരം ഉണ്ടാകും വരെ ആശുപത്രിയിലേയ്ക്കില്ലെന്ന നിലപാടിലാണ് അഭിജിത്ത്. ഉച്ചയ്ക്ക് കെ.എസ്.യു പ്രവര്ത്തകര് നടത്തിയ മാര്ച്ചിലും സംഘര്ഷം ഉണ്ടായിരുന്നു.
കഴിഞ്ഞദിവസം മര്ദ്ദനമേറ്റ നിതിന് രാജ്, സുഹൃത്ത് സുദേവ് സാനു എന്നിവരുടെ സര്ട്ടിഫിക്കറ്റുകളാണ് കത്തിച്ചത്. വസ്ത്രങ്ങളും പുസ്തകങ്ങളും കത്തിച്ചു. കാമ്പസിലെ എസ്.എഫ്.ഐ ഏകാധിപത്യത്തിനെതിരെ ഗവര്ണര് ഇടപെടണമെന്നും കെ.എസ്.യു സംസ്ഥാന പ്രസിഡന്റ് കെ.എം അഭിജിത്ത് ആവശ്യപ്പെട്ടു.
