മുംബൈ: മൊബൈല് കോളുകള്ക്കും ഡാറ്റാ സേവനത്തിനും നിരക്ക് കുത്തനെ ഉയര്ത്തി വോഡഫോണ്-ഐഡിയ. ഇതോടെ പഴയ പ്ലാനുകളെ അപേക്ഷിച്ച് പുതിയ പ്ലാനുകളില് നിരക്ക് 42 ശതമാനം വരെ ഉയരാമെന്നാണ് റിപ്പോര്ട്ട്.
പുതിയ നിരക്ക് ചൊവ്വാഴ്ച മുതല് നിലവില് വരുമെന്ന് കമ്പനി പ്രഖ്യാപിച്ചു. കഴിഞ്ഞപാദത്തില് 52000 കോടി രൂപയുടെ നഷ്ടം രേഖപ്പെടുത്തിയ പശ്ചാത്തലത്തിലാണ് കമ്പനിയുടെ തീരുമാനം. 2,28,84,365 ദിവസങ്ങള് കാലാവധിയിലുള്ള വിവിധ പ്ലാനുകള് കമ്പനി പ്രഖ്യാപിച്ചു.
നിലവിലെ പ്ലാനുകളുടെ നിരക്കിനേക്കാള് 42 ശതമാനം വര്ധനവോടെയായിരിക്കും പുതിയ പ്ലാനുകള് അവതരിപ്പിക്കുക എന്നാണ് റിപ്പോര്ട്ടുകള്. ഇതിനു പിന്നാലെ മറ്റ് സേവന ദാതാക്കളും നിരക്ക് വര്ധിപ്പക്കാന് സാധ്യതയുണ്ട്. നഷ്ടം കണക്കിലെടുത്ത് വോഡാഫോണ്- ഐഡിയയ്ക്ക് പുറമേ ഭാരതി എയര്ടെലും റിലയന്സ് ജിയോയും മൊബൈല് സേവനങ്ങള്ക്ക് നിരക്ക് വര്ധിപ്പിക്കാന് തീരുമാനിച്ചിരുന്നു.
