അഗര്ത്തല: ത്രിപുരയില് രണ്ട് ദിവസത്തേക്ക് മൊബൈല് ഇന്റര്നെറ്റ്, എസ്.എം.എസ് സേവനങ്ങള്ക്ക് നിരോധനം ഏര്പ്പെടുത്തി. ത്രിപുരയിലെ ഗോത്രവര്ഗക്കാരും ഇതര സമുദായക്കാരും തമ്മില് ഏറ്റുമുട്ടല് ഉണ്ടായേക്കുമെന്ന ഇന്റലിജന്സ് റിപ്പോര്ട്ടിന്റ അടിസ്ഥാനത്തിലാണ് നടപടിയെന്നാണ് വിശദീകരണം. എന്നാല് പൗരത്വ ഭേദഗതി ബില്ലിനെതിരായ പ്രതിഷേധം കണക്കിലെടുത്താണ് നടപടിയെന്നാണ് സൂചന.
പൗരത്വ ഭേദഗതി ബില്ലിനെതിരെ ത്രിപുര ഉള്പ്പെടെയുള്ള വടക്കുകിഴക്കന് സംസ്ഥാനങ്ങളില് പ്രതിഷേധം ശക്തമാവുകയാണ്. മുസ്ലീം ഇതര മതവിഭാഗങ്ങളില് നിന്ന് കുടിയേറിയവര്ക്ക് പൗരത്വം നല്കുന്നത് സാമൂഹ്യാന്തരീക്ഷം കലുഷിതമാക്കാന് ഇടയാക്കുമെന്നാണ് വിവിധ സംഘടനകള് മുന്നറിയിപ്പ് നല്കിയിരിക്കുന്നത്. തൊഴില് ഉള്പ്പെടെയുള്ള കാര്യങ്ങളില് പ്രദേശവാസികളുടെ അവസരങ്ങള് നഷ്ടമാകാന് ഇടയാക്കുമെന്നും വിമര്ശനം ഉയരുന്നു.
