ന്യൂഡല്ഹി: ശബരിമല യുവതീപ്രവേശന ഹര്ജികളില് ഇടപെടാതെ സുപ്രീംകോടതി. സമാധാനത്തോടെ കാത്തിരിക്കാനും സ്ഥിതി വഷളാക്കാന് ആഗ്രഹിക്കുന്നില്ലെന്നും ചീഫ് ജസ്റ്റിസ് വ്യക്തമാക്കി. രഹ്ന ഫാത്തിമ, ബിന്ദു അമ്മിണി എന്നിവരുടെ ഹര്ജികളിലായിരുന്നു കോടതി പരാമര്ശം. വിഷയം വിശാലബെഞ്ചിന് വിട്ടതല്ലേയെന്നും ചീഫ് ജസ്റ്റിസ് ചോദിച്ചു.
അക്രമം ആഗ്രഹിക്കുന്നില്ല. രാജ്യത്ത് നിലവിലെ സ്ഥിതി സ്ഫോടനാത്മകമാണെന്നും സുപ്രീംകോടതി പരാമര്ശിച്ചു. അന്തിമ വിധിയ്ക്ക് ശേഷം പുനപരിശോധന ഹര്ജികള് പരിഗണിക്കും. അന്തിമ ഉത്തരവ് അനുകൂലമെങ്കില് യുവതികള്ക്ക് പോലീസ് സംരക്ഷണം നല്കും. പ്രശ്നങ്ങള് ഇല്ലാതെ പോകാന് ആകുമെങ്കില് പൊയ്ക്കൊള്ളാനും അല്ലാതെ പോലീസ് സംരക്ഷണത്തോടെ ഇപ്പോള് പോകാനാകില്ലെന്നും കോടതി വ്യക്തമാക്കി.
ബിന്ദു അമ്മിണിയുടെ സുരക്ഷ നീട്ടാനും രഹ്നാ ഫാത്തിമയ്ക്ക് പോലീസ് സംരക്ഷണം ആവശ്യപ്പെടാന് അവകാശം ഉണ്ടെന്നും സുപ്രീംകോടതി പറഞ്ഞു. ചീഫ് ജസ്റ്റിസ് അധ്യക്ഷനായ മൂന്നംഗ ബെഞ്ചാണ് കേസ് പരിഗണിച്ചത്.
