തിരുവനന്തപുരം : തിരുവനന്തപുരത്ത് അക്രമിസംഘത്തിന്റെ മര്ദനമേറ്റ് യുവാവ് മരിച്ച സംഭവത്തില് നാട്ടുകാരുടെ ഞെട്ടിക്കുന്ന വെളിപ്പെടുത്തല്. മലപ്പുറം സ്വദേശിയായ ഒരാളുടെ പണം മോഷിട്ടിച്ചെന്ന് ആരോപിച്ചാണ് യുവാവിനെ സംഘം ആക്രമിക്കുന്നത്. കഴിഞ്ഞ വ്യാഴാഴിച്ചയാണ് സംഭവം. വിഴിഞ്ഞം മുട്ടം സ്വദേശി അജീഷാണ് മരിച്ചത്.
പണവും പാസ്പോര്ട്ടും അടങ്ങുന്ന ബാഗ നഷ്ട്ടമായി എന്ന മലപ്പുറം സ്വദേശി പറഞ്ഞപ്പോള് അത് അന്വേഷിച്ചാണ് പ്രതികള് അജീഷിനെ വീട്ടില് കൊണ്ട് വന്ന് പരിശോധിച്ച ശേഷം മര്ദ്ദിച്ചത് എന്നാണ് പറയുന്നത്. ഇയാളെ അക്രമികള് തട്ടിക്കൊണ്ട് വന്ന ശേഷം വീടിനകത്ത് വച്ചാണ് മര്ദിച്ചത് എന്നാണ് വിവരം. ഇയാളടക്കം ഇപ്പോള് പോലീസ് കസ്റ്റഡിയില് ഉണ്ട്.
ക്രൂരമായി തല്ലച്ചതച്ച് പൊള്ളല് ഏല്പ്പിച്ച ശേഷം അജീഷിനെ വീടിനടുത്തുള്ള വയലില് തള്ളി അക്രമി സംഘം പോകുകയായിരുന്നു എന്നാണ് പോലീസിന് കിട്ടിയ വിവരം. കൂടാതെ അവശനായി കിടന്ന അജീഷിനെ പട്ടികള് കടിച്ച് വലിക്കുന്ന നിലയുമായിരുന്നു എന്നാണ് നാട്ടുകാര് പറയുന്നത്.
സംഭവം നാട്ടുകാരാണ് പോലീസില് അറിയിക്കുന്നത്. തുടര്ന്ന് പോലീസ് എത്തുകയും യുവാവിനെ ആശുപത്രിയിലേക്ക് മാറ്റുകയും ചെയ്തു. ദേഹമെല്ലാം പൊള്ളി കൈയും കാലും ഒടിഞ്ഞ നിലയിലായിരുന്നു. ആംബുലന്സ് ഏര്പ്പാടാക്കിയതും പോലീസാണെന്നും നാട്ടുകാര് പറയുന്നു.
രണ്ട് ദിവസം മുന്പാണ് തിരുവനന്തപുരത്ത് ആള്ക്കൂട്ട ആക്രമണം ഉണ്ടായത്. പണം മോഷ്ട്ടിച്ചുവെന്ന് ആരോപിച്ചാണ് യുവാവിനെ ആള്ക്കൂട്ടം മര്ദ്ദിച്ചത്. പ്രതികള് യുവാവിനെ തീക്കൊളുത്തി പൊള്ളിക്കുകയും ചെയ്തിരുന്നു.
