മുംബൈ : ഓസ്ട്രേലിയയ്ക്കെതിരായ ഏകദിന പരമ്പരയില് കേദാര് ജാദവ് പുറത്തായേക്കുമെന്ന് സൂചന. പകരം മുംബൈ നായകന് സൂര്യകുമാര് യാദവിന് അവസരം കിട്ടുമെന്നാണ് ബിസിസിഐ വൃത്തങ്ങളെ ഉദ്ധരിച്ച് ഒരു ദേശീയ മാധ്യമമാണ് റിപ്പോര്ട്ട് ചെയ്തത്. വിന്ഡീസിനെതിരെ മോശം പ്രകടനമാണ് കേദാര് കാഴ്ചവെച്ചത്. അതുകൊണ്ടാണ് താരം പുറത്താകാനുള്ള കാരണം.
ആഭ്യന്തര ക്രിക്കറ്റില് മികച്ച പ്രകടനം നടത്തി ശ്രദ്ധ നേടിയ താരമാണ് സൂര്യകുമാര്. എന്നാല് താരത്തിന് ഇതുവരെ ദേശീയ ടീമില് ഇടം ലഭിച്ചിട്ടില്ല. മികച്ച പ്രകടനം നടത്തിയിട്ടും താരത്തെ ദേശീയ ടീമില് ഉള്പ്പെടുത്താതില് ഹര്ഭജന് സിങ് രംഗത്ത് എത്തിയിരുന്നു. ഈ സാഹചര്യത്തിലാണ് ജാദവിന് പകരം സൂര്യകുമാറിനെ പരിഗണിക്കുന്നത്. ഇന്ത്യ ഓസീസ് ഏകദിന പരമ്പര ജനുവരി 14നാണ് തുടക്കമാകുക.
നിലവില് മുംബൈ ടീം നായകനാണ് സൂര്യകുമാര് യാദവ്. ഇക്കഴിഞ്ഞ സയ്യിദ് മുഷ്താഖ് അലി ട്രോഫിയില് മികച്ച പ്രകടനമാണ് കാഴ്ചവെച്ചത്. കൂടാതെ ഐപിഎല്ലില് കൊല്ക്കത്തയ്ക്ക് വേണ്ടിയും മുംബൈയ്ക്ക് വേണ്ടിയും തകര്പ്പന് പ്രകടനം നടത്തി ശ്രദ്ധ നേടിയിരുന്നു.
നിലവില് 34 കാരനായ കേദാര് അടുത്ത ഏകദിന ലോകകപ്പ് എത്തുമ്പോഴേക്കും 38 വയസ്സാകും. ഈ സാഹചര്യത്തിലാണ് ജാദവിന് പകരം മറ്റൊരു താരത്തെ കണ്ടെത്തെണമെന്നുള്ള തീരുമാനത്തിലാണ് ക്രിക്കറ്റ് വൃത്തങ്ങള്ക്ക്. സൂര്യകുമാര് 73 ഫസ്റ്റ് €ാസ് മത്സരങ്ങളില് നിന്ന് 43.53 ശരാശരിയില് 4920 റണ്സ് നേടിയിട്ടുണ്ട്. 88 ലിസ്റ്റ് എ മത്സരങ്ങളില് നിന്ന് 36.10 ശരാശരിയില് 2311 റണ്സു േനേടി.
അതേസമയം ഇന്ത്യന് വൈസ് ക്യാപ്റ്റന് രോഹിത്തിന് ശ്രീലങ്കയുമായുള്ള മത്സരത്തില് വിശ്രമം അനുവദിച്ചു. ലങ്കക്കെതിരെ ടി20 പരമ്പരയിലാണ് താരത്തിന് വിശ്രമം അനുവദിച്ചിരിക്കുന്നത്. തനിക്ക് വിശ്രമം വേണമെന്ന ആവശ്യപ്പെട്ട് രോഹിത്ത് ബിസിസിഐയ്ക്ക് നേരിട്ട് കത്ത് നല്കി എന്നാണ് റിപ്പോര്ട്ട്. അടുത്ത വര്ഷം ആദ്യ മത്സരം ലങ്കക്കെതിരെയാണ്. ജനുവരി അഞ്ചിനാണ് ആദ്യ മത്സരം തുടങ്ങുന്നത്. എന്നാല് ഓസീസിന് എതിരെയുള്ള മത്സരത്തില് രോഹിത്ത് തിരികെ എത്തും.
രോഹിത്തിന്റെ അഭാവത്തില് പരിക്ക് ഭേദപ്പെട്ട് ടീമില് തിരികെ എത്തിയ ധവാന് ആണ് രാഹുലിനൊപ്പം ഓപ്പണ് ചെയ്യുക.
