വാഷിംഗ്ടണ് ഡി.സി: പാകിസ്താനു മുകളിലൂടെയുള്ള വ്യോമപാത ഒഴിവാക്കാന് അമേരിക്ക അവരുടെ എയര്ലൈനുകള്ക്കും പൈലറ്റുമാര്ക്കും നിര്ദേശം നല്കി. 'തീവ്രവാദ/ഭീകര പ്രവര്ത്തനങ്ങളുടെ' പശ്ചാത്തലത്തിലാണ് യു.എസ് ഏവിയേഷന് റെഗുലേറ്റര് ആയ ഫെഡറല് ഏവിയേഷന് അഡ്മിനിസ്ട്രേഷന് വ്യാഴാഴ്ച ഇത്തരമൊരു നിര്ദേശം നല്കിയതെന്ന് വ്യക്തമാക്കുന്നു.
'വിമാന സര്വീസുകളില് ജാഗ്രത പാലിക്കുക. ഭീകര/തീവ്രവാദ പ്രവര്ത്തനങ്ങളെ തുടര്ന്ന് പാകിസ്താന് മേഖലയിലും വ്യോമപാതയിലൂടെയുമുള്ള വിമാന സര്വീസുകള്ക്ക് അപകടസാധ്യതയുണ്ട്'- യു.എസ് ഫെഡറല് അഡ്മിനിസ്ട്രേഷന് വൈമാനികര്ക്ക് നല്കിയ നോട്ടീസ് (നോട്ടാം) പറയുന്നു. അമേരിക്കയില് നിന്ന് സര്വീസ് നടത്തുന്ന വിമാനങ്ങള്ക്കും പൈലറ്റുമാര്ക്കും ബാധനമായ നോട്ടീസാണിത്.
വിമാനം ലാന്ഡിംഗിനും പറന്നുയരുന്നതിനുമായി താഴ്ന്നുപറക്കുന്ന സാഹചര്യങ്ങളിലും നിലത്തിറക്കിയിരിക്കുമ്പോഴും ആക്രമണത്തിന് നാധ്യതയുണെന്നാണ് മുന്നറിയിപ്പ്. പാകിസ്താനില് നിലവിലുള്ള ഭീകര/തീവ്രവാദ ഘടകങ്ങള് സജീവമായി നില്ക്കുന്ന സാഹചര്യത്തില് പല തരത്തിലുള്ള ആക്രമണങ്ങള് പ്രതീക്ഷിക്കാം. ചെറിയ വെടിവയ്പുകള്, വിമാനത്താവളങ്ങള്ക്കു നേരെയുള്ള ആക്രമണങ്ങള്, വിമാനവേധ ആക്രമണങ്ങള് എന്നിവയൊക്കെ നടക്കാന് സാധ്യതുണ്ടെന്നാണ് മുന്നറിയിപ്പ്.
