ഓക്ലന്ഡ്(ന്യൂസിലന്ഡ്): ടെന്നീസ് കോര്ട്ടില് തോറ്റാല് അച്ഛനോട്... എന്ന് പഴഞ്ചൊല്ല് മാറ്റി എഴുതേണ്ടി വരുമോ എന്നതാണ് പുതിയ സംശയം. ടെന്നീസ് കോര്ട്ടില് നിന്ന് പുറത്തുവരുന്ന സംഭവങ്ങള് എല്ലാം ഈ പഴഞ്ചൊല്ലിനോട് കൂട്ടിവായിക്കേണ്ടി വരും. കഴിഞ്ഞ ദിവസം ഗ്രീക്ക് താരം സ്റ്റെഫാനോസ് സിറ്റിസ്പാസിനു കോര്ട്ടില് നിയന്ത്രണം വിട്ട് നാടകീയ രംഗങ്ങള് അരങ്ങേറിയിരുന്നു. പോയിന്റ് നഷ്ടപ്പെട്ട ദേഷ്യത്തില് റാക്കറ്റ് വലിച്ചെറിഞ്ഞപ്പോള് അച്ഛന്റെ കൈയിലാണ് വന്ന് കൊണ്ടത്. പിന്നാലെ ഗാലറിയില് നിന്ന് അമ്മ ഇറങ്ങിവന്ന് താരത്തെ ശകാരിക്കുന്നതുവരെയെത്തി കാര്യങ്ങള്.
ഇന്നിതാ കളിക്കിടെ ഉപദേശിച്ച കോച്ച് കൂടിയായ അച്ഛനെതിരെ ശബ്ദമുയര്ത്തിയ യുഎസ് താരം 15 കാരിയായ കോകോ ഗോഫാണ് വാര്ത്തയിലിടം നേടിയിരിക്കുന്നത്. ഓക്ലന്ഡ് ക്ലാസിക് ടെന്നീസ് ചാമ്പ്യന്ഷിപ്പിനിടെയാണ് നാടകീയ സംഭവം. മത്സരത്തിനിടെ കോകോ പോയിന്റുകള് നഷ്ടമാക്കിയപ്പോള് ആണ് പിതാവ് കോറി ഗോഫ് ഇടപെട്ടത്. 'അവളുടെ നശിച്ച സെര്വില് ഒരൊറ്റ പോയിന്റു പോലും കളയരുത്' എന്നായിരുന്നു പിതാവിന്റെ ശകാരം.
എന്നാല് മോശം പദപ്രയോഗത്തിലൂടെയുള്ള പിതാവിന്റെ ഉപദേശം കോകോയ്ക്ക് പിടിച്ചില്ല. ഇത്തരം വാക്കുകള് ഉപയോഗിക്കാന് നിങ്ങള്ക്ക് കഴിയില്ല. എന്നെ ഇങ്ങനെ ഉപദേശിക്കാന് നോക്കേണ്ട എന്നായിരുന്നു താരത്തിന്റെ മറുപടി. മത്സരത്തില് കോകോ തോറ്റു(7-5,2-6, 3-6).
Oh Dad... 😂@CocoGauff | @ASB_Classic pic.twitter.com/nzhZpqWeQR
— WTA (@WTA) January 9, 2020
