കണ്ണൂര്: നാലംഗ മാവോയിസ്റ്റ് സംഘം കണ്ണൂരിലെ അമ്പായത്തോട് നഗരത്തില് സായുധപ്രകടനം നടത്തുകയും പോസ്റ്റര് പതിപ്പിക്കുകയും ലഘുലേഖ വിതരണം നടത്തുകയും ചെയ്തു. ഇന്ന് രാവിലെ ആറു മണിയോടെ ഒരു സ്ത്രീയടക്കമുള്ള സംഘമാണ് നഗരത്തില് എത്തിയത്. കൊട്ടിയൂര് വന്യജീവി സങ്കേതത്തിലൂടെയാണ് ഇവര് നഗരത്തില് എത്തിയത്. സംഘത്തില് തോക്കുധാരികള് ഉണ്ടായിരുന്നു.
അട്ടപ്പാടിയില് ചൊരിഞ്ഞ രക്തത്തിന് പകരം വീട്ടുക. ഇതിന് മോഡിയും പിണറായിയും സമാധാനം പറയണം. ഓപ്പറേഷന് സമാധാന് എതിരായി ജനുവരി 31 ന് പ്രഖ്യാപിച്ച ബന്ദ് വിജയിപ്പിക്കുക, ഓപ്പറേഷന് സമാധാന് നിര്ത്തി വെയ്ക്കണം ഓപ്പറേഷന് സമാധാന് കുത്തകകള്ക്കും ബ്രാഹ്ണമ മേധാവികള്ക്കും സമാധാന്. ഓപ്പറേഷന് സമാധാന് ജനങ്ങള്ക്കെതിരായ യുദ്ധം പരാജയപ്പെടുത്തുക ചെറുക്കുക. തുടങ്ങിയവയാണ് പോസ്റ്റുകളില് പറഞ്ഞിരിക്കുന്നത്. നേരത്തേ തന്നെ മാവോയിസ്റ്റ് സാന്നിദ്ധ്യമുള്ള സ്ഥലമാണ് അമ്പായത്തോട് ടൗണ്.
പോലീസ് പ്രാഥമികമായ അന്വേഷണം തുടങ്ങിയിട്ടുണ്ട്. അമ്പായത്തോട് നേരത്തേയും മാവോയിസ്റ്റ് സാന്നിദ്ധ്യം കണ്ടെത്തിയ സ്ഥലമാണ്. അന്നും പോസ്റ്റര് ഒട്ടിക്കുകയും ലഘുലേഖ വിതരണം ചെയ്യുകയും ചെയ്തിരുന്നു. ഇതേ തുടര്ന്ന് തെരച്ചിലുകളും ജാഗ്രതാ നിര്ദേശവുമെല്ലാം പോലീസ് നല്കുകയും ചെയ്തിരുന്നു. ഇവിടെ ഇന്ന് വലിയ രീതിയിലുള്ള തിരച്ചില് നടക്കും. പോസ്റ്റര് പതിച്ച ശേഷം കൊട്ടിയൂരിലൂടെ തന്നെ മടങ്ങുകയും ചെയ്തിരുന്നു.
