ലഖ്നൗ : കുട്ടിക്കളെ ബന്ദിയാക്കിയതിന് പോലീസ് വെടിവെച്ച് കൊന്ന യുവാവിന്റെ പെണ്കുഞ്ഞിനെ ദത്തെടുക്കാന് തയ്യാറായി ഉയര്ന്ന പോലീസ് ഉദ്യേഗസ്ഥന്. സുഭാഷ് ബദ്ദാമിന്റെ ഒരു വയസുള്ള പെണ്കുഞ്ഞിനെയാണ് കാണ്പൂരിലെ പോലീസ് ഉദ്യേഗസ്ഥനായ മോഹിത് അഗര്വാള് ദത്തെടുക്കുന്നത്.
സുഭാഷ് ബദ്ദാമിനെ പോലീസ് വെടിവെച്ച് കൊന്നതിന് പിന്നാലെ ഇയാളുടെ ഭാര്യയെ നാട്ടുകാര് ചേര്ന്ന് തല്ലിക്കൊന്നിരുന്നു. ഇതോടെയാണ് ഒരു വയസ്സുള്ള ഗൗരി അനാഥയായത്.
ഗൗരിയുടെ വിദ്യാഭ്യാസ ചിലവ് ഉള്പ്പെടെ ഉള്ളവ താന് വഹിക്കുമെന്ന് അദ്ദേഹം പറഞ്ഞു. അവളെ ഒരു ഐ പി എസ് കാരിയാക്കാനാണ് ആഗ്രഹം. നിയമപരമായ നടപടികള് കഴിഞ്ഞാല് ഉടന് തന്നെ അവളെ ഏറ്റെടുക്കും് അവളെ ഏറ്റവും മികച്ച ബോര്ഡിങ് സ്കൂളില് പ്രവേശിപ്പിക്കും അദ്ദേഹം പറഞ്ഞു.
അച്ഛനും അമ്മയും മരിച്ചതറിയാതെ ഫാറൂബാദിലെ ഒരു ആശുപത്രിയില് ചികിത്സയില് കഴിയുകയാണ് ഗൗരി. വനിതാ പോലീസുകാരാണ് കുട്ടിയെ നോക്കുന്നത്.
