മെല്ബണ്: വനിതാ ട്വന്റി20 ലോകകപ്പ് ചരിത്രത്തില് തന്റെ ആദ്യ സെഞ്ച്വറി കുറിച്ച ലിസല് ലീയുടെ ഉജ്വല സെഞ്ച്വറി മികവില് ദുര്ബ്ബലരായ തായ്ലന്റിനെ പിരിച്ചൊടിച്ച് ദക്ഷിണാഫ്രിക്കയ്ക്ക് കൂറ്റന് വിജയം. ടി 20 ലോകകപ്പിലെ ഏറ്റവും ഉയര്ന്ന സ്കോര് പേരിലാക്കിയ ദക്ഷിണാഫ്രിക്ക കാന്ബെറയില് നടന്ന ഗ്രൂപ്പ് ബിയിലെ മത്സരത്തില് 113 റണ്സിനാണ് തായ്ലന്റിനെ തകര്ത്തത്.
ഓപ്പണര് ലീ നേടിയ സെഞ്ച്വറിയും പുറത്താകാതെ ലൂസ് നേടിയ അര്ദ്ധ സെഞ്ച്വറിയും ദക്ഷിണാഫ്രിക്കന് ഇന്നിംഗ്സിന്റെ നട്ടെല്ലായി മാറിയപ്പോള് ദുര്ബ്ബലരായ തായ്ലന്റിന്റെ സ്കോറില് കാംചോഫു മെച്ചപ്പെട്ട പ്രകടനം നടത്തി. ആദ്യം ബാറ്റ് ചെയ്ത ദക്ഷിണാഫ്രിക്ക മൂന്ന് വിക്കറ്റ് നഷ്ടത്തില് നേടിയത് 195 റണ്സായിരുന്നു. തായ്ലന്റ് 82 ന് പുറത്തായി. 60 പന്തിലായിരുന്നു ലീയുടെ സെഞ്ച്വറി. 16 ബൗണ്ടറികളം മൂന്ന് സിക്സറും പറത്തിയാണ് 101 റണ്സ് എടുത്തത്. 41 പന്തില് അഞ്ചു ബൗണ്ടറികളും രണ്ടു സിക്സറുകളും നേടി 61 റണ്സുമായി ലൂസ് പിന്തുണയും നല്കി.
ട്രയോണ് 15 പന്തില് 24 റണ്സ് എടുത്തു. തായ്ലന്റിന്റെ മറുപടിയില് 21 പന്തില് 26 റണ്സാണ് കാംചോഫു മാത്രമാണ് മികച്ചു നിന്നത്. തന്റെ ഇന്നിംഗ്സില് ഒരു സിക്സര് അടിച്ച കാംചോഫു തായ്ലന്റിന്റെ ആദ്യ സിക്സറും പേരിലാക്കി. 13 റണ്സ് അടിച്ച സുത്തിരുവാംഗും രണ്ടക്കം കണ്ടു.
എട്ടു റണ്സിന് മൂന്ന് വിക്കറ്റ് വീഴ്ത്തിയ പേസ് ബൗളര് ശബ്നിം ഇസ്മായീലും 15 റണ്സിന് മൂന്ന് വിക്ക് വീഴ്ത്തിയ ലൂസും ചേര്ന്നാണ് തായ്ലന്റിനെ തകര്ത്തത്. ഇതോടെ ഗ്രൂപ്പ് ബിയില് ഒന്നാമതെത്താന് ദക്ഷിണാഫ്രിക്കയ്ക്ക് ആയി. മാനുകാ ഓവലില് 22 ബൗണ്ടറികളും ഏഴു സിക്സറുകളും പറത്തി ടി 20 യുടെ ചരിത്രത്തില് തന്നെ ഏറ്റവും ഉയര്ന്ന സ്കോറാണ് ദക്ഷിണാഫ്രിക്ക നേടിയത്. അതേസമയം മത്സരത്തില് ഉടനീളം ഇരുടീമുകളും അനേകം ക്യാച്ചുകളാണ് കൈവിട്ടത്. ദക്ഷിണാഫ്രിക്ക അടുത്ത മത്സരത്തില് വെസ്റ്റിന്ഡീസിനെ നേരിടും.
