തൃശൂര്: കാറിലെത്തിയ സംഘം റോഡില് രണ്ടായിരത്തിന്റെയും അഞ്ഞൂറിന്റെയും നോട്ടുകള് വിതറി. തിങ്കളാഴ്ച രാത്രി എട്ട് മണിയോടെ തൃശൂര്- ഷൊര്ണൂര് സംസ്ഥാനപാതയിലെ ചെറുതുരുത്തിലാണ് സംഭവം ഉണ്ടായത്. കാറില് എത്തിയ ചിലര് റോഡിലേക്ക് നോട്ടുകള് വിതറിയ ശേഷം വണ്ടിയില് കടന്നു കളയുകയായിരുന്നെന്ന് ദൃക്സാക്ഷികള് പറഞ്ഞു.
അതേസമയം റോഡില് 2000, 500 നോട്ടുകള് കണ്ട് ചിലര് അതെടുക്കാന് ഓടി. എന്നാല് നോട്ടുകള് കയ്യില് എടുത്തപ്പോഴാണ് അമളി പറ്റിയ വിവരം അവര് അറിയുന്നത്.'റിസര്വ് ബാങ്ക് ഒഫ് ഇന്ത്യ'ക്ക് പകരം 'ചിന്ഡ്രന്സ് ഒഫ് ഇന്ത്യ', ഫുള് ഫണ് ഒഫ് ഇന്ത്യ' എന്നിങ്ങനെയായിരുന്നു നോട്ടുകളില് എഴുതിയിരുന്നത്. എന്നാല് സംഭവത്തെക്കുറിച്ച് അന്വേഷണം നടത്തുമെന്ന് പൊലീസ് അറിയിച്ചു.
