തിരുവനന്തപുരം: മുഖ്യമന്ത്രി വി.ഡി. സതീശനും ആഭ്യന്തരമന്ത്രി രമേശ് ചെന്നിത്തലയ്ക്കുമെതിരെ അസഭ്യ പരാമർശം നടത്തിയ കെഎസ്ആർടിസി താൽക്കാലിക ജീവനക്കാരനെ ജോലിയിൽ നിന്ന് മാറ്റിനിർത്തി.
കാട്ടാക്കട കെഎസ്ആർടിസി ഡിപ്പോയിലെ എംപാനൽ ഡ്രൈവർ ടോമിക്കെതിരെയാണ് നടപടി. കെഎസ്ആർടിസി സർവീസുകളിൽ സ്ത്രീകൾക്ക് സൗജന്യ യാത്ര അനുവദിക്കുന്ന 'പ്രിയദർശിനി പദ്ധതി' നടപ്പാക്കിയതുമായി ബന്ധപ്പെട്ടാണ് ഇയാൾ മുഖ്യമന്ത്രിക്കും ആഭ്യന്തരമന്ത്രിക്കുമെതിരെ മോശം പരാമർശങ്ങൾ നടത്തിയതെന്നാണ് ആരോപണം.
ടോമി വാട്സ്ആപ്പിലൂടെ പങ്കുവെച്ച ഓഡിയോ സന്ദേശം വ്യാപകമായി പ്രചരിച്ചതിനെ തുടർന്ന് സംഭവം വിവാദമായി. ഇതിന്റെ അടിസ്ഥാനത്തിൽ കോൺഗ്രസ് പ്രവർത്തകർ നൽകിയ പരാതിയിൽ പൊലീസ് നേരത്തെ കേസെടുത്തിരുന്നു.
പൊലീസ് നടപടിക്ക് പിന്നാലെ വകുപ്പുതല അന്വേഷണത്തിന്റെ ഭാഗമായി കെഎസ്ആർടിസി അധികൃതർ ടോമിയെ ജോലിയിൽ നിന്ന് മാറ്റിനിർത്താൻ തീരുമാനിക്കുകയായിരുന്നു.
