ജെയ്പൂര്: പശുക്കടത്ത് ആരോപിച്ച് പെഹ്ലു ഖാനെ മര്ദ്ദിച്ചുകൊന്ന സംഭവത്തില് പ്രായപൂര്ത്തിയാകാത്ത രണ്ട് പ്രതികള് കുറ്റക്കാരെന്ന് കോടതി. രാജസ്ഥാന് ആല്വാറിലെ ജുവനൈല് ജസ്റ്റിസ് ബോര്ഡാണ് രണ്ട് പ്രതികളും കുറ്റക്കാരാണെന്ന് കണ്ടെത്തിയത്. കേസില് ഉടന് വിധി പറയും. കേസുമായി ബന്ധപ്പെട്ട് നേരത്തെ ആറ് പ്രതികളെ വിട്ടയച്ചത് വിവാദമായിരുന്നു.
2017ലാണ് പശുക്കടത്ത് ആരോപിച്ച് ക്ഷീരകര്ഷകനായ പെഹ്ലു ഖാനെ ഗോസംരക്ഷണ അക്രമികള് മര്ദ്ദിച്ചുകൊന്നത്. എന്നാല് 2019ല് കേസിലെ ആറ് പ്രതികളെ ആല്വാര് സെഷന്സ് കോടതി വിട്ടയച്ചു. സംശയത്തിന്റെ ആനുകൂല്യം നല്കിയാണ് പ്രതികളെ വിട്ടയച്ചത്.
സെഷന്സ് കോടതി ഉത്തരവിനെതിരെ രാജസ്ഥാന് സര്ക്കാര് ഹൈക്കോടതിയില് അപ്പീല് നല്കിയിട്ടുണ്ട്. പെഹ്ലു ഖാന് മരിച്ച സമയത്ത് നടത്തിയ അന്വേഷണത്തില് പാളിച്ചകള് സംഭവിച്ചതായി പ്രത്യേക അന്വേഷണ സംഘം രാജസ്ഥാന് സര്ക്കാരിന് റിപ്പോര്ട്ട് നല്കിയിരുന്നു. ഇതിന്റെ അടിസ്ഥാനത്തിലാണ് രാജസ്ഥാന് സര്ക്കാര് ഹൈക്കോടതിയെ സമീപിച്ചത്.
