റിയാലിറ്റി ഷോയില് നിന്നും പുറത്തായ രജിത് കുമാറിന് കൊച്ചി വിമനത്താവളത്തില് വന് സ്വീകരണമാമ് ലഭിച്ചത്. സംഭവത്തില് രൂക്ഷ പ്രതികരണവുമായി രംഗത്ത് എത്തിയിരിക്കുകയാണ് സന്ദീപാനന്ദഗിരി. കോവിഡ് 19 ഭീതി നിലനില്ക്കുന്ന സാഹചര്യത്തില് അതീവജാഗ്രതയോടെ ഇരിക്കേണ്ടതിന് പകരം ആളുകള് തടിച്ചുകൂടുകയായിരുന്നു. ചില നേരം നമ്മുടെ തൊലിയുരിഞ്ഞ് പോയി എന്നു പറയാറില്ലേ! ഈ കാഴ്ച നട്ടെല്ലുള്ള മലയാളിയുടെ തൊലിയുരിക്കുന്നതായിരുന്നു' എന്ന സ്വീകരണത്തിന്റെ ചിത്രം പങ്കുവെച്ച് സന്ദീപാനന്ദഗിരി കുറിച്ചു.
കുറിപ്പിങ്ങനെ...
ഭാരതീയ ആചാര്യന് മനുഷ്യരുടെ ബുദ്ധിയെ നാലു ഗണത്തിലായി തരംതിരിച്ചിരിക്കുന്നു.
1: മന്ദബുദ്ധി;ഈകൂട്ടര് ജന്മനാ ബുദ്ധിമാന്ദ്യമുള്ളവരാണ്.ഇവരില്നിന്ന് അല്പംപോലും വകതിരിവ് പ്രതീക്ഷിക്കരുത്.
2.സ്ഥൂലബുദ്ധി; ഈ കൂട്ടര് സ്വന്തം കാര്യം നോക്കാന് പ്രാപ്തരും, ശിക്ഷണത്തിനനുസരിച്ച് സമൂഹത്തില് പ്രവര്ത്തിക്കുന്നവരുമാണ്.
3.തീക്ഷണബുദ്ധി;ഇവരുടെ ബുദ്ധി ഏകാഗ്രവും കാര്യങ്ങളുടെ കാരണത്തെഗ്രഹിക്കാന് പ്രാപ്തവുമായതായിരിക്കും.
4.സൂക്ഷബുദ്ധി; ഈ കൂട്ടരെ സാരഗ്രാഹികള് എന്നും വിളിക്കാം ഏത് വിഷയത്തിന്റേയും സാരം ഗ്രഹിക്കാന് പ്രാപ്തരായവരാണീ കൂട്ടര്.
മലയാളികള് പൊതുവെ സാരഗ്രാഹികളാണെന്നായിരുന്നു ധാരണ.
ചില നേരം നമ്മുടെ തൊലിയുരിഞ്ഞ് പോയി എന്നു പറയാറില്ലേ!
ഈ കാഴ്ച നട്ടെല്ലുള്ള മലയാളിയുടെ തൊലിയുരിക്കുന്നതായിരുന്നു.
മനസ്സിനൊരു സമാധാനം കിട്ടാനുള്ള വഴി ഗോമൂത്രംകൊണ്ട് കൊറോണ ട്രീറ്റ് നടത്തിയ ഹിന്ദുമഹാസഭ ഇവരെ തങ്ങളുടെ അണികളായി പ്രഖ്യാപിച്ചാല് മതിയായിരുന്നു.
