പത്തനംതിട്ട: കൊവിഡ് 19 രോഗലക്ഷണങ്ങളോടെ വീടുകളില് നിരീക്ഷണത്തില് കഴിയുന്നവര് പുറത്തപോയാല് അത് ദേശവിരുദ്ധ സമീപനമായി കണക്കാക്കുമെന്ന് മന്ത്രി കെ രാജു. ഇത്തരക്കാര്ക്കെതിരെ പോലീസിനെ ഉപയോഗിച്ച് നടപടിയെടുക്കും. കോവിഡിന്റെ പശ്ചാത്തലത്തില് ഐസൊലേറ്റഡ് വാര്ഡിനായി വലിയ കെട്ടിടങ്ങള് കണ്ടെത്തുമെന്നും അദ്ദേഹം പറഞ്ഞു.
പത്തനംതിട്ടയിലെ എല്ലാ പഞ്ചായത്തുകളിലും കൊവിഡ് ബോധവത്കരണത്തിനായി മൈക്ക് അനൗണ്സ്മെന്റ് നടത്തും. ജില്ലയിലേക്ക് വിദേശത്ത് നിന്ന് 30,703 പേര് രംഗത്തെത്തിയിട്ടുണ്ട്. ഇവരില് 15 പേര് ആശുപത്രിയില് നിരീക്ഷണത്തിലാണ്. ഇന്ന് ലഭിച്ച എട്ട് പരിശോധനാ ഫലങ്ങളും നെഗറ്റീവാണ്.
തിരുവല്ല റയില്വേ സ്റ്റേഷനില് 6510 യാത്രക്കാരെ ഇതുവരെ സ്ക്രീന് ചെയ്തു, ഇവരില് 1029 ഇതരസംസ്ഥാനക്കാര് ഉള്പ്പെടുന്നു. ഇതില് രണ്ട് പേര്ക്ക് പനിയുണ്ട്. കോവിഡ് ഐസൊലേഷന് വാര്ഡുകള്ക്കായി സ്വകാര്യ ആശുപത്രികളിലും സൗകര്യം ഒരുക്കും. ശബരിമലയില് ഉത്സവകാലത്ത് ജനത്തിരക്ക് കുറയ്ക്കാന് ആവശ്യമായ നടപടികള് സ്വീകരിക്കാന് സര്ക്കാരിനോട് ആവശ്യപ്പെടുമെന്നും മന്ത്രി കെ രാജു പറഞ്ഞു.
