തിരുവനന്തപുരം: കേരളത്തിലെ ജനങ്ങളോട് ബിജെപിക്ക് പ്രതിബദ്ധതയില്ലെന്ന് മന്ത്രി കടകംപള്ളി സുരേന്ദ്രന്. അല്പ്പം എങ്കിലും നന്മ കേരളത്തിലെ ബിജെപി നേതാക്കള്ക്ക് ഉണ്ടെങ്കില് കര്ണാടകയുമായുള്ള അതിര്ത്തി തര്ക്കത്തില് ഇടപെടുമായിരുന്നുവെന്ന് പറഞ്ഞു. കേരളത്തിലെ ബിജെപി നേതാക്കള് ബിജെപി ഭരിക്കുന്ന കര്ണാടകം കേരളത്തോട് ചെയ്യുന്നത് കാണുന്നില്ലേയെന്നും ചോദിച്ചു. മഹാമാരിയുടെ കാലത്ത് സഹായിക്കുന്നതിന് പകരം രാഷ്ട്രീയം കളിക്കുകയാണെന്നും അദ്ദേഹം വിമര്ശിച്ചു.
കര്ണാടകം കാസര്ഗോഡ് ദേശീയപാത അടച്ചത് വന് വിവാദമായിരിക്കെ കേരളത്തിലെ ബിജെപി നേതാക്കളുടെ മൗനത്തിനെതിരേയാണ് കടകംപള്ളി വിമര്ശനം തൊടുത്തത്. പാത തുറന്നു കൊടുക്കാന് കേരളാഹൈക്കോടതി നിര്ദേശിച്ചിട്ട് പോലും കര്ണാടക തടസ്സം നീക്കാന് തയ്യാറായിട്ടില്ല. പകരം ഹൈക്കോടതി വിധിക്കെതിരേ സുപ്രീംകോടതിയെ സമീപിച്ചിരിക്കുകയാണ്. ദേശീയ പാത കേന്ദ്ര സര്ക്കാരിന്റെ നിയന്ത്രണത്തില് ഉള്ളതാണെന്നും സംസ്ഥാനങ്ങള്ക്ക് അടയ്ക്കാന് അധികാരം ഇല്ലെന്നുമായിരുന്നു കേരളം വാദിക്കുന്നത്. കര്ണാടക പാത അടച്ചതോടെ കേരളത്തിലേക്കുള്ള ചരക്ക് നീക്കം ഉള്പ്പെടെയുള്ള കാര്യങ്ങളെ ദോഷകരമായി ബാധിച്ചിട്ടുണ്ട്.
അതിനിടയില് രാജ്യത്ത് കേന്ദ്രസര്ക്കാര് പ്രഖ്യാപിച്ച ലോക്ക് ഡൗണ് പ്രഖ്യാപിച്ചിരിക്കുന്ന സാഹചര്യത്തില് അത് ലംഘിച്ച് സംസ്ഥാന ബി.ജെ.പി അധ്യക്ഷന് കെ. സുരേന്ദ്രന് കോഴിക്കോട് നിന്നും തിരുവനന്തപുരത്തേക്കേ് യാത്ര ചെയ്തതും വിവാദമായിരിക്കുകയാണ്. ലോക്ക് ഡൗണ് പ്രഖ്യാപിക്കുന്ന മാര്ച്ച് 24 ന് കോഴിക്കോട്ടെ വസതിയിലായിരുന്ന സുരേന്ദ്രന് വ്യാഴാഴ്ച തിരുവനന്തപുരത്തെത്തി വാര്ത്താ സമ്മേളനം നടത്തി.
ഡി.ജി.പിയുടെ അനുമതിയോടെയാണ് യാത്ര നടത്തിയതെന്നാണ് സുരേന്ദ്രന് അവകാശപ്പെടുന്നത്. അതേസമയം, സേവാ ഭാരതിയുടെ ചാരിറ്റി പ്രവര്ത്തനങ്ങള് നടത്താനെന്ന പേരില് യാത്രാ പെര്മിറ്റ് സംഘടിപ്പിച്ച വാഹനത്തിലായിരുന്നു യാത്ര നടത്തിയതെന്നാണ് സപെഷ്യല് ബ്രാഞ്ചിന് ലഭിച്ച വിവരം. ലോക്ക്ഡൗണ് കാലയളവില് വളരെ അത്യാവശ്യ കാര്യങ്ങള്ക്കു മാത്രമേ പുറത്തിറങ്ങാവൂ എന്നിരിക്കെ ഇതെല്ലാം അട്ടിമറിച്ച് കോഴിക്കോട് മുതല് തിരുവനന്തപുരം വരെ പ്രത്യേകിച്ച് കാര്യമൊന്നുമില്ലാതെ യാത്ര ചെയ്യുകയായിരുന്നു കെ.സുരേന്ദ്രന്.
തിരുവനന്തപുരത്ത് ചികിത്സക്കെത്താന് പോലും യാത്ര വിലക്ക് കാരണം വടക്കന് കേരളത്തില് നിന്നുള്ളവര് ബുദ്ധിമുട്ടുമ്പോള് എല്ലാ വിലക്കും ലംഘിച്ചുള്ള സുരേന്ദ്രന്റെ യാത്ര പൊലീസില് തന്നെ ചര്ച്ചയായത്. തീവ്രബാധിത പ്രദേശമായ കോഴിക്കോട് ജില്ലയില് നിന്നും ഒരു കാരണവശാലും മറ്റൊരു ജില്ലയിലേക്ക് പൊലീസ് യാത്ര അനുമതി ആര്ക്കും നല്കുന്നില്ല. അവശ്യ സര്വ്വീസുകള്ക്ക് മാത്രമാണ് പാസ് അനുവദിക്കുന്നത്. ഇതിനിടയിലാണ് കര്ണാടകയുമായുള്ള തര്ക്ക വിഷയത്തില് കേരളത്തിലെ ബിജെപി നേതാക്കള് ഇടപെട്ടില്ലെന്ന് മന്ത്രി വിമര്ശിച്ചിരിക്കുന്നതും. അതേസമയം സുരേന്ദ്രന് പാസ് നല്കിയിട്ടുണ്ടോ എന്ന് ഡിജിപി വ്യക്തമാക്കണമെന്ന് പ്രതിപക്ഷനേതാവ് രമേശ് ചെന്നിത്തല വിമര്ശിച്ചിട്ടുണ്ട്.
