ആടു ജീവിതത്തിനായി കാത്തിരിക്കുകയാണ് ആരാധകര്. ചിത്രത്തില് നജീബിനായുള്ള പൃഥ്വിയുടെ മേക്കോവര് ഏവരെയും ഞെട്ടിച്ചിരുന്നു. ഇപ്പോള് ചിത്രത്തെ കുറിച്ച് ജീന അല്ഫോണ്സ എന്ന യുവതി തന്റെ പ്രതീക്ഷകള് പങ്കുവെച്ച് ഫേസ്ബുക്കില് പങ്കുവെച്ച കുറിപ്പാണ് വൈറലാവുന്നത്. ഞാന് കാത്തിരിയ്ക്കുന്ന ആടുജീവിതത്തില് ഒരു പ്രധാനപ്പെട്ട ഭാഗമുണ്ട്. ബെന്യാമിന് എന്ന എഴുത്തുകാരന് അത്രത്തോളം ഹൃദയ സ്പര്ശി ആയി എഴുതിവച്ച ഭാഗം. നാളുകളായി ജീവിതം മരുഭൂമിയില് ആടുകള്ക്കൊപ്പം എറിയപ്പെട്ട നജീബിന്റെ ഉള്ളില് ഒരു സ്ത്രീ സാമിപ്യം ആഗ്രഹിയ്ക്കുന്ന അതിനായി ദാഹിയ്ക്കുന്ന നിമിഷങ്ങള്. ഇനി ഒരിയ്ക്കെലെങ്കിലും ഉണരും എന്ന പുള്ളി പോലും വിചാരിയ്ക്കാത്ത, മരക്കാറ്റുപോലെ അദ്ദേഹത്തിലേയ്ക്ക് ഇരമ്പിചെല്ലുന്ന ഒരു തൃഷ്ണ. വര്ഷങ്ങളോളം ഷണ്ഡന് ആക്കപ്പെട്ടവന്റെ മനോവേദന. ഒടുവില് അവനേറ്റവും പരിപാലിച്ച 'പോച്ചക്കാരി രമണി' എന്ന ആടില് അവന്റെ ദാഹം ശമിപ്പിയ്ക്കേണ്ടി വരുന്ന നിസ്സഹായ അവസ്ഥ. ഈ രംഗങ്ങള് ചിത്രത്തില് കാണുമെന്ന് ഉറച്ചു വിശ്വസിക്കുന്നുവെന്ന ജീന കുറിക്കുന്നു.
ജീനയുടെ കുറിപ്പിന്റെ പൂര്ണരൂപം;
ആടുജീവിതത്തിനായുള്ള പൃഥ്വിരാജ് എന്ന നടന്റെ ഡെഡിക്കേഷനും ആന്മാര്ത്ഥതയുമൊക്കെ കണ്ടു മലയാളി മുഴുവന് ഞെട്ടിയിരിയ്ക്കുകയാണ്. അതിന്റെ ഓരോ പോസ്റ്ററും ഫോട്ടോകളും വര്ത്തകളുമെല്ലാം വളരെ ഉത്സാഹത്തോടെ കാണുന്ന വായിക്കുന്ന ഒരു #fan_girl ആണ് ഞാനും. ഓരോനിമിഷവും ആടുജീവിതം സ്ക്രീനില് കാണാനായി ആകാംഷയിലുമാണ്.. അനുദിനം മനുഷ്യനില്നിന്നും ആടിലെയ്ക്ക് പരിണമിയ്ക്കുന്ന നജീബ് എന്ന വ്യക്തിയെ രാജു ചേട്ടന് എങ്ങിനെയെല്ലാം കൈകാര്യം ചെയ്യും എന്ന ടെന്ഷനും ഉണ്ട്.
ഞാന് കാത്തിരിയ്ക്കുന്ന ആടുജീവിതത്തില് ഒരു പ്രധാനപ്പെട്ട ഭാഗമുണ്ട്. ബെന്യാമിന് എന്ന എഴുത്തുകാരന് അത്രത്തോളം ഹൃദയ സ്പര്ശി ആയി എഴുതിവച്ച ഭാഗം. നാളുകളായി ജീവിതം മരുഭൂമിയില് ആടുകള്ക്കൊപ്പം എറിയപ്പെട്ട നജീബിന്റെ ഉള്ളില് ഒരു സ്ത്രീ സാമിപ്യം ആഗ്രഹിയ്ക്കുന്ന അതിനായി ദാഹിയ്ക്കുന്ന നിമിഷങ്ങള്. ഇനി ഒരിയ്ക്കെലെങ്കിലും ഉണരും എന്ന പുള്ളി പോലും വിചാരിയ്ക്കാത്ത, മരക്കാറ്റുപോലെ അദ്ദേഹത്തിലേയ്ക്ക് ഇരമ്പിചെല്ലുന്ന ഒരു തൃഷ്ണ. വര്ഷങ്ങളോളം ഷണ്ഡന് ആക്കപ്പെട്ടവന്റെ മനോവേദന. ഒടുവില് അവനേറ്റവും പരിപാലിച്ച 'പോച്ചക്കാരി രമണി' എന്ന ആടില് അവന്റെ ദാഹം ശമിപ്പിയ്ക്കേണ്ടി വരുന്ന നിസ്സഹായ അവസ്ഥ...
ബെന്യാമിന് എന്ന എഴുത്തുകാരന് വളരെ ചുരുങ്ങിയ വാക്കുകള്കൊണ്ടുതന്നെ അത് കുറിച്ചിട്ടിട്ടുണ്ട്. ഒറ്റയിരുപ്പിന് അത്രത്തോളം വായിച്ചിട്ട് അവിടുന്ന് മുന്നോട്ട് പോവാന് കഴിയാതെ ബുക്ക് അടപ്പിച്ചു വച്ച, തൊണ്ടക്കുഴിയില് ശ്വാസം കെട്ടിക്കിടന്ന് വീര്പ്പുമുട്ടനുഭവിപ്പിച്ച വാചകങ്ങള്. എഴുത്തിലൂടെ അത്രമേല് മനോഹരമാക്കിയ രംഗങ്ങളോട് ആ അഭിനേതാവ് എത്രത്തോളം നീതി പുലര്ത്തി എന്നത് കാണാനാണ് ഞാന് കാത്തിരിയ്ക്കുന്നത് . അഥവാ ആ ഭാഗം സിനിമയില് ഒഴിവാക്കപ്പെട്ടു എങ്കില് അത് നജീബിനോടുള്ള വഞ്ചനയാണ്.
പക്ഷെ, ഞാന് വിശ്വസിയ്ക്കുന്നത് മുംബൈ പോലീസ് ചെയ്യാന് ധൈര്യവും ചങ്കുറ്റവും കാണിച്ച പൃഥ്വിരാജ് എന്ന അഹങ്കാരിയായ നടനിലാണ് ?????
ഒപ്പം കഥയുടെ പെര്ഫെക്ഷനുവേണ്ടി ഏതറ്റം വരെയും പോകുന്ന ബ്ലെസി എന്ന സംവിധായകനിലും..???
Waiting for #adujeevitham ??
Jeena Alphonsa John
