തിരുവനന്തപുരം: കോവിഡ് നിയന്ത്രണങ്ങളുടെ ഭാഗമായി യാത്രക്കാരെ കുറയ്ക്കണമെന്ന നിര്ദേശത്തിന് പിന്നാലെ സംസ്ഥാനത്ത് അധിക ബസ് ചാര്ജ് ഈടാക്കാമെന്ന ഉത്തരവ് വന്നിരുന്നു. ഈ ഉത്തരവ് ഹൈക്കോടതി ഡിവിഷന് ബെഞ്ച് സ്റ്റേ ചെയ്തതിന് പിന്നാലെ ഇന്ധനനിരക്കു കൂടി ഉയര്ന്നതോടെ സംസ്ഥാനത്ത് സര്വ്വീസ് നടത്തുന്നത് പകുതിയില് താഴെ സ്വകാര്യ ബസുകള്.
എട്ട് രൂപ മിനിമം നിരക്കില് സര്വ്വീസ് നടത്തുന്നത് നഷ്ടമാണെന്ന് ചൂണ്ടിക്കാട്ടിയാണ് സ്വകാര്യ ബസ്സുകളില് പലതും സര്വ്വീസ് നിര്ത്തിവച്ചത്. കഴിഞ്ഞ ദിവസത്തെ അപേക്ഷിച്ച് സര്വീസ് നടത്തുന്ന ബസുകളുടെ എണ്ണം മൂന്നിലൊന്നായി കുറഞ്ഞു.
അധിക ബസ് ചാര്ജ് ഈടാക്കാമെന്നുള്ള ഉത്തരവിന് സ്റ്റേ വന്നതിന് പിന്നാലെ കൊച്ചി നഗരത്തില് സര്വീസ് നടത്തുന്ന ബസുകളുടെ എണ്ണത്തിലും വലിയ കുറവാണുളളത്.
കഴിഞ്ഞ ദിവസങ്ങളില് കൊച്ചിയില് 260 തോളം ബസുകള് സര്വ്വീസ് നടത്തിയിരുന്നെങ്കിലും ഇന്ന് നാല്പ്പതോളം ബസുകളാണ് സര്വ്വീസ് നടത്തുന്നത്. ബസുകളില് യാത്രക്കാരും വളരെ കുറവാണ്. ഇതിന് പുറമേ ഇന്ധന വിലയിലെ വര്ധനവും സാമ്പത്തിക പ്രതിസന്ധിയാണ് ഉണ്ടാക്കുന്നതെന്നും ബസ് ജീവനക്കാര് വ്യക്തമാക്കുന്നു.
രാജ്യത്ത് തുടര്ച്ചയായ ഏഴാം ദിവസവും ഇന്ധനവില വര്ധിച്ചിരിക്കുകയാണ്. പെട്രോളിന് ഇന്ന് 59 പൈസയും ഡീസലിന് 55 പൈസയുമാണ് കൂട്ടിയത്. കഴിഞ്ഞ ഒരാഴ്ചയ്ക്കിടെ പെട്രോളിന് 3.91 രൂപയും ഡീസലിന് 3.81 രൂപയുമാണ് വര്ധിച്ചത്.
