ഇന്ത്യ ഏററവും അധികം കിരീട പ്രതീക്ഷ നിലനിര്ത്തിയ ലോകകപ്പായിരുന്നു 2019 ഏകദിന ലോകകപ്പ്. എന്നാല് ന്യൂസിലന്ഡുമായുള്ള ആ സെമി ഫൈനലില് ഇന്ത്യയുടെ ലോകകപ്പ് മോഹം വീണുടഞ്ഞു. ആ സെമിഫൈനല് തോല്വിക്ക് ഒരു വര്ഷം പൂര്ത്തിയാകുകയാണ്.
എന്നാല് അന്ന് ധോണി ക്രീസിലുണ്ടായിരുന്നുവെങ്കില് ഇന്ത്യ വിജയത്തിലെത്തുമായിരുന്നുവെന്ന് ഇപ്പോഴും വിശ്വസിക്കുന്നവരേറെയാണ്. ഇന്ത്യന് ആരാധകരുടെ മനസുലച്ച റണ്ണൗട്ടിലുടെയായിരുന്നു ധോണി പുറത്തായത്.
'ഡൈവ് ചെയ്തിരുന്നുവെങ്കില് ഒരുപക്ഷേ രക്ഷപ്പെട്ടേനെ..' എന്ന പ്രതീക്ഷ ധോണിയും സെമിഫൈനല് തോല്വിക്കു ശേഷം തുറന്നുപറഞ്ഞിരുന്നു. സെമിയില് എന്തുകൊണ്ട് ഡൈവ് ചെയ്തില്ല എന്ന ചോദ്യം ഞാന് ഇപ്പോഴും സ്വയം ചോദിച്ചുകൊണ്ടിരിക്കുകയാണ്.. ആ രണ്ട് ഇഞ്ച് ദൂരത്തെക്കുറിച്ച് ഓര്ക്കുമ്പോഴേ ഞാന് സ്വയം പറയും ..ധോണി നീ അന്ന് നിര്ബന്ധമായും ഡൈവ് ചെയ്യേണ്ടതായിരുന്നു...അന്ന് ധോണി പറഞ്ഞു. 49-ാം ഓവറിലെ മൂന്നാം പന്തിലാണ് റണ്ണൗട്ടായത്. 31-ാം ഓവറില് ഒത്തുചേര്ന്ന ധോണി-ജഡേജ സഖ്യം ചരിത്രം കുറിച്ച ശേഷമാണ് അന്ന് കീഴടങ്ങിയത്. അന്ന് 112 പന്തില് 116 റണ്സെടുത്താണ് ഏഴാം വിക്കറ്റ് കൂട്ടുകെട്ട് പിരിഞ്ഞത്. ലോകകപ്പ് ചരിത്രത്തിലെ ഏറ്റവും മികച്ച കൂട്ടുകെട്ടും അതാണ്..
