സ്വന്തം ജീവന് പോലും പണയം വെച്ച് തന്റെ കുഞ്ഞി പെങ്ങളുടെ ജീവന് രക്ഷിച്ച ഒരു കൊച്ചു മിടുക്കന്റെ വാര്ത്തയാണ് സോഷ്യല് മീഡിയയില് വൈറലാകുന്നത്. ആറു വയസുകാരനായ ബ്രിഡ്ജര് വാക്കര് ആണ് അക്രമാസക്തനായ നായയില് നിന്ന് തന്റെ കുഞ്ഞ് പെങ്ങളെ രക്ഷിച്ചത്. യുഎസിലെ വ്യോമിംഗിലാണ് സംഭവം നടന്നത്.
ജര്മ്മന് ഷെപ്പേഡ് ഇനത്തില്പ്പെട്ട നായ നാലുവയസുകാരിയായ അനുജത്തിയെ ആക്രമിക്കുന്നത് കണ്ട ബ്രിഡ്ജര് കുഞ്ഞനുജത്തിയെ ചുറ്റിപ്പിടിച്ച് നായയുടെ ആക്രമണത്തില് നിന്ന് രക്ഷിക്കുകയായിരുന്നു. ആക്രമണത്തില് ബ്രിഡ്ജറിന് പരിക്കേല്ക്കുകയും ചെയ്തു. എന്തിനാണ് നായയുടെ മുന്നിലേക്കെടുത്ത് ചാടിയതെന്ന് പിതാവ് ചോദിച്ചപ്പോള് 'ആരെങ്കിലും മരിക്കേണ്ടി വന്നാല് അത് താനായിരിക്കണം' എന്നായിരുന്നു ബ്രിഡ്ജര് പറഞ്ഞത്.
രണ്ട് മണിക്കൂര് നീണ്ട സര്ജറിക്കൊടുവില് 90 സ്റ്റിച്ചുകളാണ് ബ്രിഡ്ജറിന്റെ മുഖത്തെ മുറിവിന് വേണ്ടി വന്നത്. ബ്രിഡ്ജറിന്റെ ഈ സാഹസികത സോഷ്യല് മീഡിയയില് വൈറലായതോടെ അവഞ്ചേഴ്സിലെ സൂപ്പര് ഹീറോകളായ 'ക്യാപ്റ്റന് അമേരിക്ക' ക്രിസ് ഇവാന്സ്'തോര്' ക്രിസ് ഹാംസ്വര്ത്ത് 'അയണ്മാന്' റോബര്ട്ട് ഡൗണി ജൂനിയര് എന്നിവര് ഈ മിടുക്കന് അഭിനന്ദനവുമായി രംഗത്ത് എത്തി. ബ്രിഡ്ജറിനെയും കുടുംബത്തെയും ഓര്ത്ത് രാജ്യം മുഴുവന് അഭിമാനിക്കുന്നു എന്നാണ് പ്രത്യേക സന്ദേശത്തില് ക്രിസ് ഇവാന്സ് അറിയിച്ചത്. കൂടാതെ 'ക്യാപ്റ്റന് അമേരിക്ക'യുടെ ഒഫീഷ്യല് ഷീല്ഡും ബ്രിഡ്ജറിന് സമ്മാനമായി നല്കുമെന്ന് ക്രിസ് അറിയിച്ചിട്ടുണ്ട്.
