ന്യൂഡല്ഹി: ബാബ്റി മസ്ജിദ് തകര്ത്ത സംഭവത്തില് ബി.ജെ.പി നേതാക്കളായ എല്.കെ അദ്വാനിക്കും മുരളി മനോഹര് ജോഷിക്കുമെതിരായ കേസുകള് പിന്വലിക്കണമെന്ന് ബി.ജെ.പി നേതാവ് സുബ്രഹ്മണ്യന് സ്വാമി. അയോധ്യയില് ക്ഷേത്രം നിര്മ്മിക്കുന്നതിന് മുന്നോടിയായുള്ള ഭൂമി പൂജയ്ക്ക് മുമ്പ് കേസുകള് പിന്വലിക്കണമെന്ന് സുബ്രഹ്മണ്യന് സ്വാമി പ്രധാനമന്ത്രി നരേന്ദ്ര മോഡിയോട് ആവശ്യപ്പെട്ടു.
അദ്വാനിയും ജോഷിയും അയോധ്യയിലെ മന്ദിരം പൊളിക്കുന്നതില് പങ്കാളികളായിരുന്നു. എന്നാല് അവര് മസ്ജിദ് തകര്ത്തിട്ടില്ല, പകരം ഒരു ക്ഷേത്രം പുനര്നിര്മ്മിക്കാനുള്ള ശ്രമത്തിലാണ് അവര് പങ്കാളികളായതെന്നും സുബ്രഹ്മണ്യന് സ്വാമി പറഞ്ഞു. മന്ദിരം പൊളിച്ചത് നിസാര കേസാണെന്നും അതില് നിന്ന് ഇരുവരെയും ഒഴിവാക്കണമെന്നും സുബ്രഹ്മണ്യന് സ്വാമി ട്വീറ്റ് ചെയ്തു.
രാമക്ഷേത്ര നിര്മ്മാണത്തിന് മുന്നോടിയായുള്ള ഭൂമി പൂജയില് ഓഗസ്റ്റ് അഞ്ചിന് പ്രധാനമന്ത്രി നരേന്ദ്ര മോഡി പങ്കെടുക്കാനിരിക്കെയാണ് സബ്രഹ്മണ്യന് സ്വാമി ഈ ആവശ്യം ഉന്നയിച്ചിരിക്കുന്നത്. ഓഗസ്റ്റ് അഞ്ചിന് രാവിലെ 11 മണി മുതല് ഒരു മണി വരെ രണ്ട് മണിക്കൂറോളം പ്രധാനമന്ത്രി അയോധ്യയില് ഉണ്ടായിരിക്കും. അഞ്ചിന് രാവിലെ എട്ട് മണി മുതല് ഭൂമി പൂജയുടെ ചടങ്ങുകള് ആരംഭിക്കും. ശ്രീരാമന്െ്റ ജന്മമുഹൂര്ത്തം വരുന്ന ഉച്ചയ്ക്ക് 12.15ന് ഭൂമി പൂജ നടക്കും.
