ലക്നൗ: സുപ്രീംകോടതി വിധിക്ക് പിന്നാലെ വിവാദ ഭൂമിയില് രാമക്ഷേത്രത്തിന് ശേഷം അയോദ്ധ്യയില് മോസ്ക്ക് നിര്മ്മിക്കാനും ഹിന്ദുക്കള്. ഭൂമിപൂജയ്ക്ക് ശേഷം ക്ഷേത്ര നിര്മ്മാണം തുടങ്ങിയതിന് പിന്നാലെ മോസ്ക്ക് നിര്മ്മിക്കുന്ന കാര്യത്തില് ഏറ്റവും കൂടുതല് പ്രോത്സാഹനം കിട്ടുന്നത് ഹിന്ദു സമൂഹത്തില് നിന്നുമാണെന്ന് സുന്നി സെന്ട്രല് വഖഫ് ബോര്ഡ് പള്ളി നിര്മ്മാണത്തിനായി രൂപീകരിച്ചിരിക്കുന്ന ട്രസ്റ്റ പറയുന്നു. അയോദ്ധ്യാ വിധി അനുസരിച്ച് മറ്റൊരിടത്ത് അഞ്ച് ഏറ്റര് ഭൂമിയാണ് മസ്ജിദ് നിര്മ്മിക്കാന് കിട്ടുന്നത്.
സുന്നി വഖഫ് ബോര്ഡ് പള്ളി നിര്മ്മാണത്തിനായി ജൂലൈ 29 ന് ഇന്ഡോ ഇസ്ളാമിക് കള്ച്ചറല് ഫൗണ്ടേഷന് എന്ന ഒരു ട്രസ്റ്റ് രൂപീകരിച്ചിരുന്നു. അയോദ്ധ്യയിലെ രാമജന്മഭൂമി ഇടത്ത് നിന്നും 20 കിലോമീറ്റര് മാറി ജില്ലയില് തന്നെയുള്ള ദാന്നിപ്പൂര് ഗ്രാമത്തിലാണ് ഭൂമി അനുവദിക്കപ്പെട്ടിരിക്കുന്നത്. അനേകം ഹിന്ദുക്കളാണ് മോസ്ക്ക് നിര്മ്മിക്കാന് സഹായ വാഗ്ദാനവുമായി രംഗത്ത് വന്നിരിക്കുന്നതെന്ന് ഇവര് പറയുന്നു. മോസ്ക്ക് നിര്മ്മാണത്തിന് സംഭാവന നല്കാനുള്ള താല്പ്പര്യം പ്രകടിപ്പിച്ചിട്ടുള്ളവരില് 60 ശതമാനവും മുസ്ളീങ്ങളാണ്. അങ്ങിനെ അയോദ്ധ്യ സാമൂഹ്യ ഐക്യത്തിന്റെ സൂചകമായി മാറുകയാണെന്നും ഇവര് പറയുന്നു.
നേരത്തേ അയോദ്ധ്യയിലെ രാമക്ഷേത്രത്തിന്റെ ഭൂമി പൂജയില് അനേകം മുസ്ളീങ്ങള് പങ്കാളികളായിരുന്നു. ഇതിന് പിന്നാലെയാണ് മോസ്ക്ക് നിര്മ്മാണത്തിനായി ഹിന്ദുക്കളും വരുന്നത്. 2019 നവംബര് 9 നായിരുന്നു സുപ്രീംകോടതി വിധി വന്നത്. ഇതില് അയോദ്ധ്യയില് തന്നെ മോസ്ക്ക് നിര്മ്മിക്കുന്നതിനാല് സുന്നി വഖഫ് ബോര്ഡിന് അഞ്ച് ഏക്കര് ഭൂമി നല്കണമെന്നും ആവശ്യപ്പെട്ടിരുന്നു. ഇതേ തുടര്ന്ന 2020 ഫെബ്രുവരിയില് തന്നെ യുപി സര്ക്കാര് ദാനിപ്പൂരില് ഭൂമി അനുവദിക്കുകയും ചെയ്തു. ആഗസ്റ്റ് 2 ന് രാമക്ഷേത്രത്തിന് ശില പാകുന്നതിന് ദിവസങ്ങള്ക്ക് മുമ്പാണ് അയോദ്ധ്യയിലെ ജില്ലാ ഭരണകൂടം ഭൂമി കൈമാറിയത്.
പള്ളി നിര്മ്മാണ ട്രസ്റ്റ് അംഗങ്ങള് ഉടന് തന്നെ ഈ സ്ഥലം സന്ദര്ശിക്കും. മോസ്ക്ക് നിര്മ്മാണത്തിനായുള്ള ഓഫീസ് ഉടന് ലക്നൗവില് തുറക്കും. ഇതിനൊപ്പം സംഭാവന സ്വീകരിക്കാനുള്ള ഒരു പോര്ട്ടല് അടുത്തയാഴ്ച ആരംഭിക്കും. സാമൂഹിക അടുക്കള ഉള്പ്പെടെയുള്ള ഒരു സൗകര്യത്തോടെയുള്ള ഒരു ഡിസൈന് മോസ്ക്കിനായി തയ്യാറാക്കാന് നിര്ദേശം നല്കിയിട്ടുണ്ട്. എല്ലാ വിഭാഗങ്ങഴിലെയും ആള്ക്കാരുടെ പിന്തുണയാണ് ഇവര് പ്രതീക്ഷിക്കുന്നത്.
