തിരുവനന്തപുരം: കേരള എന്ജിനീയറിങ്-ഫാര്മസി പ്രവേശന പരീക്ഷ(കീം-2020) ഫലം പ്രസിദ്ധീകരിച്ചു. എന്ജിനീയറിങ്ങിന് 56,599 പേരും ഫാര്മസി കോഴ്സുകള്ക്ക് 44,390 പേരും യോഗ്യത നേടിയിട്ടുണ്ട്.
എന്ജിനീയറിങ് പ്രവേശന പരീക്ഷയുടെ രണ്ട് പേപ്പറുകളും 71742 മപരാണ് എഴുതിയത്. എന്ജിനീയറിങ് പ്രവേശന പരീക്ഷയിലെ ഏതെങ്കിലും ഒരു പേപ്പര് എഴുതാത്തവരും , ഓരോ പേപ്പറിനും കുറഞ്ഞത് 10 മാര്ക്ക് ലഭിക്കാത്തവരും (എസ്.സി/എസ്.ടി വിദ്യാര്ത്ഥികള് ഒഴികെ) എന്ജിനീയറിംഗ് വിഭാഗത്തില് അയോഗ്യരാക്കിയിട്ടുണ്ട്.
എന്ജിനീയറിംഗ് റാങ്ക് ലിസ്റ്റ് തയാറാക്കുന്നതിനായി പരീക്ഷ എഴുതിയ വിദ്യാര്ത്ഥികള്ക്ക് അവരുടെ യോഗ്യത പരീക്ഷയുടെ മാര്ക്ക് ഓണ്ലൈനായി സമര്പ്പിക്കാന് 10 തിയതി വരെ അവസരം ലഭ്യമാക്കിയിട്ടുണ്ട്. മാര്ക്ക് ഏകീകരണത്തിനു ശേഷം തയാറാക്കുന്ന എന്ജിനീയറിംഗ്,ഫാര്മസി റാങ്ക് ലിസ്റ്റുകള് പിന്നീട് പ്രസിദ്ധപ്പെടുത്തും. വിദ്യാര്ത്ഥികള്ക്ക് www.cee.kerala.gov.in എന്ന വെബ്സൈറ്റില് കാന്ഡിഡേറ്റ് പ്രൊഫൈലില് ലോഗിന് ചെയ്ത് സ്കോര് പരിശോധിക്കാം.
