ഇന്സ്റ്റാഗ്രാമില് ഏറ്റവും കുടുതല് ആള്ക്കാര് പിന്തുടരുന്ന ദക്ഷിണേന്ത്യന് സിനിമാ താരങ്ങളിലെ ആദ്യ പത്തു പേരില് ദുല്ഖര് സല്മാനും. തമിഴ് തെലുങ്ക്, കന്നഡ താരങ്ങള് വരുന്ന പട്ടികയില് നടി രാകുല്പ്രീത് സിംഗാണ് മുന്നില്. ഏഴാമനായിട്ടാണ് ദുല്ഖര് ഇടംപിടിച്ചിരിക്കന്നത്. യുവതാരം വിജയ് ദേവര് കൊണ്ട ബാഹുബലി താരം പ്രഭാസിനെയും റാണാ ദഗ്ഗുബാട്ടിയെയുമെല്ലാം മറികടന്ന് പുരുഷന്മാരില് ഒന്നാമതുണ്ട്.
ഇതിനകം ബോളിവുഡിലും തെലുങ്കിലും തമിഴിലുമെല്ലാം മികവ് തെളിയിച്ച മലയാളികളുടെ സ്വന്തം ഡി ക്യൂ വിന് 6.4 ദശലക്ഷമാണ് ഇന്സ്റ്റയില് ഫോളോവേഴ്സ്. വളരെ അവിചാരിതമായി സിനിമയില് എത്തിയ അദ്ദേഹത്തിന്റെ ലുക്കും ചിരിയും ശബ്ദവുമെല്ലാം ഇന്സ്റ്റയിലും അനേകരെ കീഴടക്കിയിരിക്കുകയാണ്. പട്ടികയില് ഒന്നാമത് 15.5 ദശലക്ഷം ഫോളോവേഴ്സുമായി രാകുല് പ്രീത് സിംഗാണ് മുന്നില്. റിയാ ചക്രവര്ത്തി ഉള്പ്പെട്ട ബോളീവുഡിയെ മയക്കുമരുന്ന് കേസില് പേര് പരാമര്ശിക്കപ്പെട്ടെങ്കിലൂം ആരാധകര്ക്കിടയില് രാകുല് പ്രീത് സിംഗ് ഇപ്പോഴും പ്രിയങ്കരിയാണ്. ഇതിനകം തമിഴിലും തെലുങ്കിലും സൂപ്പര്നായികയായി മാറിയിരിക്കുകയാണ് താരം. ജീവിതത്തിലെയും സിനിമയിലെ അനേകം രസകരമായ പോസ്റ്റുകള് കൊണ്ട് ഇന്സ്റ്റാഗ്രാമില് താരം സജീവമാണ് താനും.
വിവിധ വഴികളിലൂടെ ആരാധകരെ പ്രചോദിപ്പിച്ചു കൊണ്ടിരിക്കുന്ന സാമന്താ അക്കിനേനിയാണ് പട്ടികയില് രണ്ടാമത്. അഭിനയം കൊണ്ടു മാത്രമല്ല ഡൗണ് ടൂ എര്ത്ത് ആറ്റിറ്റിയൂഡിലൂടെയും ആരാധകരെ വിസ്മിയിപ്പിച്ചു കൊണ്ടിരിക്കുന്ന തെലുങ്ക് സുന്ദരിക്ക് 12 ദശലക്ഷം ഫോളോവേഴ്സ് ഉണ്ട്. ഇന്സ്റ്റയില് തന്നെ പിന്തുടരുന്നവര്ക്ക് മുടി, ത്വക്ക് എന്നിവ പരിപാലിക്കുന്നതിനുള്ള ടിപ്സും മേക്കപ്പ് സംബന്ധിച്ചതും വീട് അലങ്കാരങ്ങള് സംബന്ധിച്ചവ തുടങ്ങി അനേകം കാര്യങ്ങള് കിട്ടും. അടുത്തിടെ വസ്ത്ര വ്യാപാരത്തിലേക്കും സാമന്ത ഇറങ്ങിയിട്ടുണ്ട്. ഭര്ത്താവ് നാഗ ചൈതന്യയാണ് സാമന്തയുടെ ഇന്സ്റ്റയിലെ മറ്റൊരു പ്രധാന കഥാപാത്രം.
ആരാധകരുമായി നിരന്തരം സംവദിക്കാന് ഇഷ്ടപ്പെടുന്ന പൂജാ ഹെഗ്ഡേയാണ് നാലാമത്. തമിഴിലും തെലുങ്കിലും ഹിന്ദിയിലും ഏറെ ആരാധകരുള്ള താരത്തിന് ഇന്സ്റ്റാഗ്രാമില് 11.7 ദശലക്ഷം ഫോളോവേഴ്സുണ്ട്. 11.3 ദശലക്ഷം ഫോളോവേഴ്സുള്ള തമന്നയും 8.8 ദശലക്ഷം ഫോളോവേഴ്സുള്ള രശ്മികാ മന്ദാനയുമാണ് തൊട്ടടുത്ത രണ്ടു സ്ഥാനങ്ങളില് തമിഴിലും തെലുങ്കിലും കന്നഡത്തിലും ഹിന്ദിയിലും സമയാസമയങ്ങളില് പ്രത്യക്ഷപ്പെടുന്നു എന്നതിനാല് ദക്ഷിണേന്ത്യയിലെയും ഉത്തരേന്ത്യയിലെയും എല്ലാ ആരാധകര്ക്ക് മുന്നിലും എപ്പോഴും എത്തുന്നതാണ് തമന്നയെ ആദ്യ പത്തില് നിര്ത്തുന്നത്. വെറും നാലു വര്ഷമേ ആയിട്ടുള്ള രശ്മിക സിനിമയില് എത്തിയിട്ട്. എന്നാല് സാമൂഹ്യ മാധ്യമങ്ങളില് വലിയ ആരാധക വൃന്ദത്തെ സൃഷ്ടിക്കാനായി. ഫാഷനോടുള്ള താരത്തിന്റെ പ്രണയവും ത്വക്ക് സംരക്ഷണവും വളര്ത്തു മൃഗങ്ങളോടുള്ള ഇഷ്ടവുമെല്ലാമാണ് ഇന്സ്റ്റാപേജില് കൂടുതല്.
ആറാം സ്ഥാനത്തുള്ള വിജയ് ദേവര്കൊണ്ട 8.7 ദശലക്ഷം ഫോളോവേഴ്സുമായാണ് പുരുഷന്മാരില് ഒന്നാമനായത്. അപ്രതീക്ഷിതമായി അര്ജുന് റെഡ്ഡിയുടെ വിജയം തെലുങ്കില് പുതിയ യുവതാരമായി വിജയ് യെ മാറ്റി. ദക്ഷിണേന്ത്യയില് ഇന്സ്റ്റയില് ഏറ്റവും കുടുതല് പേര് പിന്തുരുന്ന നടനാണ് വിജയ് ദേവര്കൊണ്ട. ബാഹുബലിയിലൂടെ ഇന്ത്യ മുഴുവന് തരംഗം സൃഷ്ടിച്ചെങ്കിലും പ്രഭാസ് എട്ടാമതും റാണ ദഗ്ഗുബാട്ടി ഒമ്പതാമണുമാണ്. പ്രഭാസിനെ 5.3 ദശലക്ഷം പേരും ദഗ്ഗുബാട്ടിയെ 4.2 ദശലക്ഷം പേരുമാണ് പിന്തുടരുന്നത്. ബ്രഹ്മാണ്ഡ ചിത്രത്തിലൂടെ സൂപ്പര്താര പദവി കിട്ടിയെങ്കിലും ഇന്സ്റ്റയില് അത്ര സജീവമല്ലാത്തയാളാണ് പ്രഭാസ്. ദഗ്ഗുബാട്ടിയാണെങ്കിലൂം പ്രഭാസിനേക്കാള് ആക്സീവായ താരമാണ്. അടുത്തിടെ മിഹീകാ ബജാജുമായുള്ള വിവാഹ വാര്ത്തകള് ദഗ്ഗുബാട്ടിക്ക് പ്രത്യേക ശ്രദ്ധ കിട്ടിയിട്ടുണ്ട്.
ബാഹുബലിയില് പ്രഭാസിന്റെയും റാണയുടെ സഹതാരമായിരുന്ന അനുഷ്ക്കയാണ് പട്ടികയില് പത്താമത്. 3.7 ദശലക്ഷം പേര് അനുഷ്ക്കയെ പിന്തുടരുന്നു. പ്രഭാസിനെ പോലെ അനുഷ്ക്കയും ഇന്സ്റ്റാഗ്രാമില് അത്ര സജീവമല്ല. സ്വകാര്യ ജീവിതത്തിന് വലിയ പ്രാധാന്യം നല്കുന്ന അനുഷ്ക്ക പക്ഷേ സിനിമയുമായി ബന്ധപ്പെട്ട പ്രമോഷന് കാര്യങ്ങള്ക്കാണ് ഇന്സ്റ്റാ കൂടുതല് ഉപയോഗിക്കുന്നത്. എന്നിരുന്നാലും അവരുടെ ആരാധക വൃന്ദം കൂടിക്കൂടി വരികയാണ്.
