രണ്ടാമൂഴം സിനിമയുമായി ബന്ധപ്പെട്ട് എം.ടി. വാസുദേവന് നായരും ശ്രീകുമാര് മേനോനും തമ്മിലുള്ള കേസ് അവസാനിക്കുന്നു. വിഖ്യാത എഴുത്തുകാരന് ശ്രീകുമാര് മേനോന് തിരക്കഥ തിരിച്ചു നല്കും. കഥയ്ക്കും തിരക്കഥയ്ക്കും പൂര്ണ്ണ അവകാശം എംടിയ്ക്ക് തിരിച്ചു കിട്ടി.
മഹാഭാരതം വിഷയമാക്കി സിനിമ എടുക്കാമെങ്കിലും ഭീമനെ നായകനാക്കി സിനിമ ചെയ്യാനാകില്ലെന്ന് കോടതിപറഞ്ഞു. ജില്ലാ കോടതിയിലും സുപ്രീംകോടതിയിലും ഉള്ള കേസുകള് ഇരു കൂട്ടരും പിന്വലിക്കും. തിങ്കളാഴ്ച സുപ്രീംകോടതി കേസ് പരിഗണിക്കാനിരിക്കെ ആണ് ഒത്തുതീര്പ്പ്.
രണ്ടാമൂഴം സിനിമയുമായി ബന്ധപ്പെട്ട കരാര് പ്രകാരം മൂന്ന് വര്ഷത്തിനകം സിനിമയുടെ ചിത്രീകരണം തുടങ്ങണമെന്നതായിരുന്നു എം.ടി.യും വി.എ. ശ്രീകുമാറുമായുള്ള ധാരണ. എന്നാല് നാല് വര്ഷം പിന്നിട്ടിട്ടും ഒന്നും തന്നെ നടക്കാത്ത സാഹചര്യത്തിലാണ് എം.ടി വാസുദേവന് സംവിധായകനും നിര്മാണക്കമ്പനിക്കും എതിരെ കോടതിയെ സമീപിച്ചത്.
മധ്യസ്ഥതാ ശ്രമങ്ങള് തുടര്ന്നെങ്കിലും എം.ടി വാസുദേവന് നായര് ഒരു തരത്തിലുമുള്ള അനുനയങ്ങള്ക്കും വഴങ്ങാന് തയ്യാറായിരുന്നില്ല. ഇതിനെത്തുടര്ന്ന് വി.എ. ശ്രീകുമാര് ഹൈക്കോടതിയെ സമീപിക്കുകയും തുടര്ന്ന് സുപ്രീം കോടതിയില് ഹര്ജി സമര്പ്പിക്കുകയുമായിരുന്നു.
