ന്യൂഡല്ഹി: ബി.ജെ.പി എം.പി തേജസ്വി സൂര്യയെ ജര്മ്മനിയില് പ്രസംഗിക്കാന് അനുവദിക്കരുതെന്ന് യുറോപ്പിലെ ഇന്ത്യന് സംഘടനകള്. ഹാംബര്ഗില് നടക്കാനിരിക്കുന്ന സ്റ്റാര്ട്ടപ്പ് കോണ്ഫറന്സില് പ്രസംഗിക്കുന്നവരുടെ പട്ടികയില് നിന്ന് തേജസ്വി സൂര്യയെ ഒഴിവാക്കണമെന്ന് സംഘടനകള് ആവശ്യപ്പെട്ടു.
സ്റ്റാര്ട്ടപ്പ് കോണ്ഫറണ്സില് പങ്കെടുക്കാനാണ് തേജസ്വി സൂര്യയെ ക്ഷണിച്ചിരിക്കുന്നത്. ബി.ജെ.പി എം.പി പരിപാടിയില് പങ്കെടുക്കുകയാണെങ്കില് ജര്മ്മനിയില് വിഭജനം നടക്കുമെന്നല്ലാതെ സ്റ്റാര്ട്ടപ്പ് കോണ്ഫറണ്സ് കൊണ്ട് പ്രയോജനമൊന്നും ഉണ്ടാകില്ലെന്നും ഇന്ത്യന് സംഘടനകള് പറഞ്ഞു.
ഹിന്ദുക്കളല്ലാത്ത വിഭാഗത്തോടെ വിദ്വേഷ മനോഭാവം വച്ച് പുലര്ത്തുന്ന നേതാവാണ് തേജസ്വി സൂര്യ. യൂറോപ്പിലെ ജനങ്ങള്ക്കിടയില് തുല്യത ഇല്ലാതാക്കാന് തേജസ്വിയുടെ പ്രസംഗം കാരണമാകുമെന്നും കോണ്സുല് ജനറലിന് അയച്ച കത്തില് സംഘടനകള് വ്യക്തമാക്കി.
ഇന്ത്യ സോളിഡാരിറ്റി ജര്മ്മനി, ഹ്യുമാനിസം പ്രോജക്ട്, സോളിഡാരിറ്റി ബെല്ജിയം, ഇന്ത്യന്സ് എഗനിസ്റ്റ് സി.എ.എ, എന്.ആര്.സി, എന്.പി.ആര് ഫിന്ലന്ഡ്, ഇന്ത്യന് അലയന്സ് പാരീസ്, ചെന്നൈ സോളിഡാരിറ്റി ഗ്രൂപ്പ് തുടങ്ങിയ സംഘടനകള് സംയുക്തമായാണ് ഇന്ത്യന് കോണ്സുലിന് കത്തയച്ചത്.
