അഞ്ചു വര്ഷം നീണ്ട പീഡനത്തില് നിന്നും നല്ല ജീവിതം കൊതിച്ച് മറ്റൊരാള്ക്കൊപ്പം ഒളിച്ചോടിയ യുവതിയെ നാട്ടുകാര് ചേര്ന്ന് പിടികൂടി ക്രൂരമായി മര്ദ്ദിച്ചു. അരുണാചല് പ്രദേശില് നടന്ന സംഭവത്തില് യുവതിയെ കൊടും തണുപ്പത്ത തണുത്ത വെള്ളം കൊണ്ടു കുളിപ്പിക്കുകയും ഇവരുടെ വസ്ത്രങ്ങള് പൂര്ണ്ണമായും അഴിച്ചുമാറ്റി ക്യാമറയില് പകര്ത്തുകയും ചെയ്തു. സംഭവത്തിന്റെ വീഡിയോ വൈറലായി മാറിയതോടെ പോലീസ് കേസെടുത്തിരിക്കുകയാണ്.
സെപ്തംബര് 25 ന് അരുണാചല് പ്രദേശിെല ചാംഗ്ലാംഗ് ജില്ലയിലായിരുന്നു സംഭവം. യുവതിയെ കാമുകനുമായി പോകുമ്പോള് കാറില് നിന്നും വലിച്ചിറക്കുകയും വസ്ത്രങ്ങളെല്ലാം അഴിച്ചു മാറ്റുകയും പീഡനങ്ങളുടെ ഓരോ ഘട്ടവും ക്യാമറയില് പകര്ത്തകയും ചെയ്തു. അപമാനിക്കുന്നതില് നിന്നും രക്ഷപ്പെടാന് യുവതി ഓടുന്നതുമെല്ലാം ദൃശ്യങ്ങളിലുണ്ട്. അഞ്ചു വര്ഷത്തോളമായി നിരന്തരം പീഡിപ്പിച്ചിരുന്ന ഭര്ത്താവിനെ ഉപേക്ഷിച്ച് വിവാഹിതനായ മറ്റൊരാള്ക്കൊപ്പം പായതാണ് ഇവര് ചെയ്ത കുറ്റം. സംഭവത്തില് 38 പേര്ക്കെതിരേ കേസെടുത്തിട്ടുണ്ട്. ഇവരില് ഒമ്പതു പേര് സ്ത്രീകളാണ്. 15 പേരെ അറസ്റ്റും ചെയ്തു.
ഒളിച്ചോടാനുള്ള തീരുമാനം പെട്ടെന്ന് എടുത്തതായിരുന്നില്ല. പല തവണ സ്വന്തം കുടുംബവുമായി കൂടിക്കാഴ്ച നടത്തിയ ശേഷം എടുത്ത തീരുമാനമായിരുന്നു. എന്നാല് അത് ഫലവത്താകുകയോ വിധി മാറി മറിയുകയോ ചെയ്തില്ലെന്ന് യുവതി പറഞ്ഞു. വിവാഹം കഴിച്ച ഭര്ത്താവ് നിരന്തരം ഉപദ്രവിച്ചിരുന്നു. അടിവയറ്റില് ഒരു ദിവസം തൊഴിച്ചതിനെ തുടര്ന്ന് ഒരു ഗര്ഭം അലസിപ്പോയി. മറ്റൊരിക്കല് ക്രൂരമായിപീഡിപ്പിച്ചതിനെ തുടര്ന്ന് പരിക്കേറ്റ് ആശുപത്രിയില് കഴിയേണ്ടി വന്നു. ഭര്ത്തൃമാതാവും ബന്ധുക്കളും ഭര്ത്താവിന്റെ പക്ഷം ചേര്ന്ന്് മര്ദ്ദിക്കുന്നതും പതിവായിരുന്നെന്ന് യുവതി പറയുന്നു.
അഞ്ചു വര്ഷമായി നിരന്തരം നേരിടേണ്ടി വന്ന പീഡനം മനസ്സിലാക്കിയാണ് താന് ഒപ്പം പോയ പുരുഷന് സഹായത്തിനെത്തിയത്. തന്റെ നിസ്സഹായ കണ്ട് അയാള് ആദ്യം വിവാഹാഭ്യര്ഥന നടത്തുകയായിരുന്നു. എന്നാല് താന് നിഷേധിച്ചെന്നും യുവതി പറയുന്നു. എന്നാല് ഈ സെപ്തംബറിലെ ഒരു രാത്രിയില് പീഡനത്തില് നിന്നും രക്ഷപ്പെടാന് തീരുമാനം എടുത്തു് ആസ്സാമിലെ ടിന്സുകിയയിലേക്ക് പോകാനായിരുന്നു പദ്ധതി. ഇക്കാര്യം പറയാനായി കാമുകന്റെ വീടുമായി ബന്ധപ്പെട്ടു. കുടുംബം ഇരുവരേയും അരുണാചലിലെ ഗ്രാമത്തിലേക്ക് ക്ഷണിക്കുകയും ബന്ധം അംഗീകരിക്കാമെന്ന്് വാക്കു കൊടുക്കുകയും ചെയ്തു.
ആദ്യം നിരസിച്ചെങ്കിലും സ്വന്തം കുടുംബത്തിനൊപ്പം നില്ക്കുന്നതാണ് കൂടുതല് നല്ലതെന്ന് ചിന്തിച്ചു. സെപ്തംബര് 25 ന് രാത്രിയിലായിരുന്നു ഗ്രാമത്തില് എത്തിയത്. അര്ദ്ധരാത്രിയില് ഇരുവരും ചാംഗഌംഗ് ജില്ലയിലെ ഗ്രാമത്തില് എതിതയപ്പോള് ഗ്രാമത്തിലെ ഒട്ടുമിക്ക ആള്ക്കാരും അവിടെ ഉണ്ടായിരുന്നു. കൂട്ടത്തിലെ ചില പ്രായമായ സ്ത്രീകള് യുവതിയെ കാറില് നിന്നും വലിച്ചിറക്കി. അതിന് ശേഷം വസ്ത്രങ്ങളെല്ലാം അഴിച്ചെടുത്തു. അതിന് ശേഷം തണുത്ത വെള്ളം കൊണ്ടു കുളിപ്പിക്കുകയും മുടി മുറിച്ചു മാറ്റുകയും ചെയ്തു.
പിന്നീട് ബാക്കിയുള്ള വസ്ത്രങ്ങള് കൂടി അഴിച്ചെടുത്ത് പൂര്ണ്ണ നഗ്നയാക്കി. തുടര്ന്ന് യുവതി നാണം മറയക്കാന് ശ്രമിക്കുമ്പോള് ഇതെല്ലാം ചില പുരുഷന്മാര് ക്യാമറയില് ഒപ്പിയെടുക്കുന്നുമുണ്ടായിരുന്നു. അതിന് ശേഷം ആഹാരം പോലും നല്കാതെ ഒരു സ്കൂളിനുള്ളില് പൂര്ണ്ണനഗ്നയായി കൊണ്ടിട്ടു. അടുത്ത ദിവസം രാവിലെ വരെ ഒന്നും കഴിക്കാന് പോലും കൊടുത്തില്ല. ക്രൂര സംഭവത്തെ ന്യായീകരിച്ച് സ്ത്രീകള് തന്നെ രംഗത്ത് വരികയും ചെയ്തിട്ടുണ്ട്. പിന്നീട് ഭാവികാര്യം തീരുമാനിക്കാന് നാട്ടുക്കൂട്ടം ചേരുകയുമുണ്ടായി. ചര്ച്ച നടത്തിയ ശേഷം ഇരയെ നാട്ടില് നിന്നും ഓടിക്കാനാണ് തീരുമാനിച്ചത്. കാമുകനുമായുള്ള എല്ലാ ബന്ധവും അവസാനിപ്പിക്കാന് നിര്ദേശിക്കുകയും ചെയ്തു.
