സേലം: മരണമുറപ്പാക്കാന് വീട്ടുകാര് ഒരുരാത്രി മുഴുവന് മൊെബെല് മോര്ച്ചറിയില് കിടത്തിയ വയോധികന് അത്ഭുതകരമായി രക്ഷപ്പെട്ടു. സേലം സ്വദേശിയായ ബാലസുബ്രഹ്മണ്യകുമാറാ(74)ണു സഹോദരന്റെയും അനന്തരവളുടെയും ക്രൂരതയ്ക്കിരയായത്.
അസുഖബാധിതനായി ചികിത്സയിലായിരുന്ന വയോധികനെ കഴിഞ്ഞദിവസമാണ് ആശുപത്രിയില്നിന്നു വിട്ടയച്ചത്. എന്നാല്, ബാലസുബ്രഹ്മണ്യന്റെ മരണം പ്രതീക്ഷിച്ചിരുന്ന വീട്ടുകാര്, മുന്കൂട്ടി വാടകയ്ക്കെടുത്ത മൊെബെല് മോര്ച്ചറി ഫ്രീസറില് ഒരുരാത്രി മുഴുവന് അദ്ദേഹത്തെ ജീവനോടെ കിടത്തുകയായിരുന്നു.
അനുജനാണു മൊെബെല് മോര്ച്ചറി വാടകയ്ക്കെടുത്തത്. പിറ്റേന്ന്, മൊെബെല് മോര്ച്ചറി തിരികെക്കൊണ്ടുപോകാനെത്തിയ ജീവനക്കാരന്, ഫ്രീസറില് കിടക്കുന്ന വയോധികനു ജീവനുണ്ടെന്നറിഞ്ഞ് ഞെട്ടി.
പരിഭ്രാന്തനായ ഇയാള് വിവരമറിയിച്ചതനുസരിച്ച് സ്ഥാപനമുടമയായ ദേവലിംഗം സ്ഥലത്തെത്തി. ''ആത്മാവ് വിട്ടുപോയിട്ടില്ല, അതിനായി കാത്തിരിക്കുകയാണ്'' എന്നായിരുന്നു വീട്ടുകാരുടെ മറുപടി. തുടര്ന്ന്, ബാലസുബ്രഹ്മണ്യനെ വീണ്ടും ആശുപത്രിയില് പ്രവേശിപ്പിച്ചു.
ഫ്രീസറില്ക്കിടന്ന് വയോധികന് ശ്വാസമെടുക്കാന് ബുദ്ധിമുട്ടുന്ന വീഡിയോ ദൃശ്യങ്ങള് ചാനലുകളിലും സാമൂഹികമാധ്യമങ്ങളിലും പ്രചരിച്ചു. ഒരു സ്വകാര്യസ്ഥാപനത്തില് സ്റ്റോര് കീപ്പറായി വിരമിച്ച ബാലസുബ്രഹ്മണ്യം വിഭാര്യനായ അനുജനും അനന്തരവള്ക്കുമൊപ്പമാണു താമസിച്ചിരുന്നത്. ജീവാപായശ്രമത്തിനു വീട്ടുകാര്ക്കെതിരേ കേസെടുത്തതായി സേലം പോലീസ് വ്യക്തമാക്കി.
