ന്യുഡല്ഹി: ഗൂഗ്ള്, ആമസോണ്, ഫെയ്സ്ബുക്ക്/വാട്സ്ആപ് വഴി രാജ്യത്തിനുള്ളില് പണമയക്കുന്നതിന് ഏകീകൃത പണമടയ്ക്കാന് (യുപിഐ)സൗകര്യം ഏര്പ്പെടുത്താനുള്ള കേന്ദ്രസര്ക്കാര് തീരുമാനം ചോദ്യം ചെയ്ത് ഹര്ജി. സിപിഐ രാജ്യസഭാംഗം ബിനോയ് വിശ്വത്തിന്റെ ഹര്ജിയില് സുപ്രീം കോടതി കേന്ദ്രസര്ക്കാരിനും ഗൂഗ്ള്, ആമസോണ്, ഫെയ്സ്ബുക്ക്/വാട്സ്ആപ് എന്നിവയ്ക്കും നോട്ടീസ് അയച്ചു.
നാഷണല് പെയ്മെന്റ് കോര്പറേഷന് ഓഫ്സ ഇന്ത്യ, ആര്.ബി.ഐ എന്നിവയ്ക്കും നോട്ടീസ് അയച്ചിട്ടുണ്ട്. ഡാറ്റ ശേഖരണത്തില് ആധികാരിക നടപടികള് സ്വീകരിക്കാതെയാണ് തീരുമാനമെന്ന് ചൂണ്ടിക്കാട്ടിയാണ് ബിനോട് വിശ്വം കോടതിയെ സമീപിച്ചത്. ചീഫ് ജസ്റ്റീസ് എസ്.എ ബോബ്ദെ അധ്യക്ഷനായ ബെഞ്ചിന്റേതാണ് തീരുമാനം.
ബിനോയ് വിശ്വത്തിനു വേണ്ടി മുതിര്ന്ന അഭിഭാഷകന് ശ്യാം ദിവാന് ഹാജരായി. രാജ്യത്തിനുള്ളിലെ സെര്വറില് ഇതിനാവശ്യമായ ഡാറ്റ ശേഖരിക്കണമെന്ന് 2018 ഏപ്രിലില് ആര്.ബി.ഐ വിവിധ മള്ട്ടിനാഷണല് സ്ഥാപനങ്ങള്ക്ക് നിര്ദേശം നല്കിയിരുന്നു. 2018 ഒക്ടോബറില് നിലവില് വരുത്തണമെന്ന് ആവശ്യപ്പെട്ടുവെങ്കിലും ഇതുവരെ പാലിച്ചിട്ടില്ലെന്ന് ബിനോയ് വിശ്വം ചൂണ്ടിക്കാട്ടി.
വാ്ട്സ്ആപ് അതിന്റെ മാതൃകമ്പനിയായ ഫെയ്സ്ബുക്കിന്റെ ഇന്ത്യയ്ക്ക് പുറത്തുള്ള സെര്വറിലാണ് ഡാറ്റ സ്റ്റോര് ചെയ്യുന്നതെന്നും ബിനോയ് വിശ്വം ചൂണ്ടിക്കാട്ടി.
