തിരുവനന്തപുരം: സംസ്ഥാനത്ത് വീണ്ടും തെരുവുനായ ആക്രമണം. തിരുവനന്തപുരം കല്ലമ്പലം ഭാഗത്ത് വയോധികയെ തെരുവുനായ ആക്രമിച്ചു. പനി ബാധിച്ച് വീടിനുള്ളില് കഴിഞ്ഞ 65കാരിയായ ഗിരിജയെയാണ് തെരുവുനായ കടിച്ചത്. നായ വീടിനുള്ളില് കയറി ആക്രമിക്കുകയായിരുന്നു. തുറന്നു കിടന്ന വാതിലിലൂടെയാണ് നായ അകത്ത് കയറിയത്. നായയെ ഓടിക്കാന് ശ്രമിക്കുന്നതിനിടെ നായ കൈയ്യില് കടിക്കുകയായിരുന്നു.
തൃശ്ശൂർ അഷ്ടമിച്ചിറയിൽ ആളുകളെ ആക്രമിച്ച തെരുവ് നായക്ക് പേവിഷബാധ സ്ഥിരീകരിച്ചു. മൂന്നു പേരെയാണ് കഴിഞ്ഞദിവസം നായ കടിച്ചത്. ഒരു ഭിന്നശേഷിക്കാരൻ ഉൾപ്പെടെയുള്ളവർക്കാണ് കടിയേറ്റത്. ഇവരെല്ലാവരും തന്നെ ആശുപത്രിയിൽ എത്തി വാക്സിൻ എടുത്തിരുന്നു.
കഴിഞ്ഞദിവസം പഞ്ചായത്ത് ഇടപെട്ട് നായയെ പിടികൂടിയെങ്കിലും വൈകുന്നേരത്തോടെ ഇത് ചത്തു. തുടർന്നു നടത്തിയ സ്രവ പരിശോധന ഫലമാണ് ഇന്ന് പുറത്തുവന്നത്. നായ്ക്ക് പേവിഷബാധ സ്ഥിരീകരിച്ചതോടെ പ്രദേശത്ത് ജാഗ്രത ദേശം പുറപ്പെടുവിച്ചിട്ടുണ്ട്. വളർത്തുമൃഗങ്ങൾക്ക് എന്തെങ്കിലും ലക്ഷണങ്ങൾ കണ്ടാൽ അധികൃതരെ അറിയിക്കണമെന്നാണ് നിർദേശം. നിരവധി തെരുവുനായ്ക്കളെയും ഈ നായ ആക്രമിച്ചതായി നാട്ടുകാർ പറയുന്നുണ്ട്
