കൊച്ചി: പോപ്പുലര് ഫൈനാന്സ് സാമ്പത്തിക തട്ടിപ്പില് പ്രതികളെ സഹായിക്കുന്ന നിലപാടുമായി അന്വേഷണ സംഘം. പ്രതികള് റിമാന്ഡിലായി 60 ദിവസം പിന്നിട്ടിട്ടും കുറ്റപത്രം സമര്പ്പിച്ചില്ല. ഇതോടെ പ്രതികള്ക്ക് സ്വഭാവിക ജാമ്യത്തിന് അര്ഹത ലഭിച്ചു. ജാമ്യാപേക്ഷയ്ക്കായി പ്രതികള് സമര്പ്പിച്ച ഹര്ജി പരിഗണിച്ച ഹൈക്കോടതി ജാമ്യത്തിനായി വിചാരണ കോടതിയെ സമീപിക്കാന് നിര്ദേശിച്ചു. ജാമ്യാപേക്ഷ തീര്പ്പാക്കി.
ജാമ്യത്തിനായി പ്രതികള് നേരത്തെ അപേക്ഷ നല്കിയിരുന്നു. 60 ദിവസം പിന്നിടുന്നതിന് മുന്പായിരുന്നു ഇത്. ജാമ്യഹര്ജി പരിഗണിക്കുമ്പോള് 60 ദിവസം പിന്നിട്ട കാര്യം പ്രതികളുടെ അഭിഭാഷകന് ചൂണ്ടിക്കാട്ടിയിരുന്നു.
അതേസമയം, കുറ്റപത്രം വൈകുന്നത് സ്വാഭാവികം മാത്രമാണെന്നാണ് അന്വേഷണ സംഘത്തിന്റെ നിലപാട്.
നേരത്തെ പ്രതികളെ സഹായിക്കാന് കേസുകള് എല്ലാം ചേര്ത്ത് ഒരു എഫ്.ഐ.ആര് ആയി രജിസ്റ്റര് ചെയ്യാനായിരുന്നു പോലീസ് നീക്കം. ഇതിനെതിരെ കോടതിയെ സമീപിച്ചതോടെയാണ് ഓരോ കേസും പ്രത്യേകം രജിസ്്റ്റര് ചെയ്യാന് നിര്ദേശം വച്ചത്.
