ചെന്നൈ: ജമൈയ്ക്കക്കാരനായ പിതാവിനും തമിഴ്നാട്ടുകാരിയായ മാതാവിനും ജനിച്ച കമലാഹാരീസ് അമേരിക്കന് വൈസ് പ്രസിഡന്റ് സ്ഥാനത്തേക്ക് ഉയര്ന്നപ്പോള് തമിഴ്നാട്ട് മാത്രമല്ല ഇന്ത്യ കൂടി ഏറെ സന്തോഷിച്ചു. എന്നാല് കമലാഹാരീസ് മാത്രമല്ല താനും ഇന്ത്യയുടെ ബന്ധക്കാരന് തന്നെയാണെന്ന് അമേരിക്കയുടെ നിയുക്ത പ്രസിഡന്റ് ജോ ബൈഡന് പറയുന്നു. പഴയ ഈസ്റ്റ് ഇന്ത്യാക്കമ്പനയുമായി ബന്ധപ്പെട്ടതാണ് ബൈഡന്റെ ഇന്ത്യാ ബന്ധമെന്നാണ് അദ്ദേഹം നേരത്തേ നടത്തിയ വെളിപ്പെടുത്തലില് പറഞ്ഞിട്ടുള്ളത്.
വൈസ് പ്രസിഡന്റായിരുന്ന കാലത്ത് 2013 ല് ബൈഡന്റെ ആദ്യ ഇന്ത്യാ സന്ദര്ശനത്തിനിടയില് മുംബൈയില് വെച്ചായിരുന്നു തന്റെ ഇന്ത്യാ ബന്ധം പുതുക്കാന് ബൈഡന് തന്റെ പഴയ ഇന്ത്യാബന്ധം വെളിപ്പെടുത്തിയത്. ഈസ്റ്റ് ഇന്ത്യാ കമ്പനിയില് ജോലി ചെയ്തയിരുന്ന ഇന്ത്യാബന്ധമുള്ളയാളുടെ സന്തതി പരമ്പരയില് പെട്ടയാളാണ് താനെന്നായിരുന്നു ബൈഡന് പറഞ്ഞത്. യുഎസ് സെനറ്റിലേക്ക് 29 ാം വയസ്സില് ആദ്യമായി തെരഞ്ഞെടുക്കപ്പെട്ട ബൈഡന് അത് പിന്തുടരാന് ആഗ്രഹിച്ചിരുന്നെങ്കിലും കഴിഞ്ഞില്ല.
ഏതാനും വര്ഷം മുമ്പ് നടത്തിയ ഒരു പ്രസംഗത്തിലാണ് തന്റെ പരമ്പരയിലെ ഒരു മുതു മുത്തച്ഛനായ ജോര്ജ്ജ് ബൈഡന് ഈസ്റ്റിന്ത്യാ കമ്പനിയുടെ ക്യാപ്റ്റനായിരുന്നെന്ന് പറഞ്ഞത്. അദ്ദേഹം ഒരു ഇന്ത്യാക്കാരിയെ വിവാഹം കഴിച്ച ഇന്ത്യയില് ജീവിച്ചയാളാണെന്ന് പറഞ്ഞു. എന്നാല് ജോര്ജ്ജ് ബൈഡനുമായി ബന്ധപ്പെട്ട ഒരു രേഖകളും ഇന്ത്യയില് ഇല്ല. എന്നാല് മുംബൈയിലെ വിദേശകാര്യവുമായി ബന്ധപ്പെട്ട് നിര്ണ്ണായക വിവരങ്ങള് കയ്യിലുള്ള ഗേറ്റ്വേ ഹൗസിലെ വിവരം വെച്ച് ജോര്ജ്ജ് ബൈഡന്റെ സഹോദരങ്ങളായ ക്രിസ്റ്റഫര് ബൈഡനും വില്യം ഹെന്റി ബൈഡനും ഈസ്റ്റ് ഇന്ത്യാ കമ്പനിയില് ക്യാപ്റ്റന് സ്ഥാനം അലങ്കരിച്ചിരുന്നവരായി പറയുന്നുണ്ട്.
കേപ്പ് ഓഫ് ഗുഡ് ഹോപ്പ് വഴി ഇന്ത്യയിലേക്കും ലണ്ടനിലേക്കും പോയിരുന്ന കപ്പലില് 12 ാം വയസ്സിലാണ് ക്രിസ്റ്റഫറും സഹോദരന് വില്യം ഹെന്റി ബൈഡനും ജോലി ചെയ്തത്. 1821 ല് ക്രിസ്റ്റഫര് ഇംഗഌണ്ടിലേക്കും കൊല്ക്കത്തയിലേക്കും യാത്ര ചെയ്തിരുന്ന വെയ്ല്സിലെ പ്രിന്സസ് ഷാര്ലറ്റിന്റെ ക്യാപ്റ്റനായി. നാലു തവണയാണ് ഇന്ത്യയിലേക്ക് യാത്ര ചെയ്തത്. ഓരോ യാത്രയും ഒരു വര്ഷം നീണ്ടതായിരുന്നു. പിന്നീട് ന്യൂ റോയല് ജോര്ജിലും ഇദ്ദേഹം ക്യാപ്റ്റനായിരുന്നെന്ന് ഇംഗഌഷ് ചരിത്രം പറയുന്നു.
1843 ല് 51 വയസ്സുള്ളപ്പോള് റംഗൂണില് വെച്ച് പക്ഷാഘാതം വന്നു വില്യം മരിക്കുകയായിരുന്നു. എന്നാല് ക്രിസ്റ്റഫര് ഇന്ത്യയില് താമസിക്കുകയും മദിരാശിയില് അറിയപ്പെടുന്ന ഒരാളായി മാറുകയും ചെയ്തു. 1830 ല് കപ്പല് യാത്രയുമായി ബന്ധപ്പെട്ട് പുസ്തകങ്ങള് എഴുതിയ ക്രിസ്റ്റഫര് ഹരിയത്ത് ഫ്രീത്തിനെ വിവാഹം കഴിക്കുകയും ഇവര്ക്ക് രണ്ടു പെണ്മക്കള് ജനിക്കുകയും ചെയ്തു. ഇവരില് ഒരാള് ഇന്ത്യയിലേക്കുള്ള കപ്പല്യാത്രയ്ക്കിടയില് മരിക്കുകയും അതിനെ കടലില് തന്നെ ഉപേക്ഷിക്കുകയും ചെയ്തു. 19 വര്ഷത്തെ മദിരാശി ജീവിതത്തില് ക്രിസ്റ്റഫര് ഒരു കഠിനാദ്ധ്വാനിയും ദയാലുവുമായി മാറി. ഇന്ത്യാക്കാര് ഉള്പ്പെടെ എല്ലാ രാജ്യങ്ങളിലും പെട്ട നാവികരുടെ വിധവകളേയും അനാഥരേയും അദ്ദേഹം സംരക്ഷിച്ചു.
അദ്ദേഹത്തിന്റെ മകന് ഹോരാട്ടിയോ മദിരാശി പീരങ്കിപ്പടയുടെ കേണലായി. 1858 ല് മദിരാശിയില് കിടന്ന് ക്രിസ്റ്റഫര് മരിക്കുകയും ചെയ്തു. മദ്രാസ് കത്തീഡ്രലില് അദ്ദേഹത്തിന്റെ ശവകുടീരവും വളര്ത്തുനായയോടൊപ്പം നില്ക്കുന്നതിന്റെ ഛായാചിത്രം ഇപ്പോഴുമുണ്ട്. എന്നാല് ക്രിസ്റ്റഫര് ബൈഡനുമായി ജോ ബൈഡനുള്ള ബന്ധത്തെക്കുറിച്ച് ഇപ്പോഴും അറിയപ്പെടുന്ന ചരിത്രകാരന്മാര്ക്കൊന്നും ഒരു വിവരവും കണ്ടെത്താനായിട്ടില്ല. ക്രിസ്റ്റഫര് ഇന്ത്യാക്കാരിയെ അല്ല വിവാഹം ചെയ്തതെന്നാണ് ഇവര് പറയുന്നത്. അതുപോലെ തന്നെ ഈസ്റ്റ് ഇന്ത്യാക്കമ്പനിയില് പ്രവര്ത്തിക്കുകയോ ഇന്ത്യയില് താമസിക്കുകയോ ചെയ്തിട്ടില്ലെന്നും ചരിത്രകാരന്മാര് ചൂണ്ടിക്കാട്ടുന്നു.
