കണ്ണൂര്: പ്രാദേശിക തെരഞ്ഞെടുപ്പില് മത്സരിക്കുന്ന രക്തസാക്ഷിയുടെ ഭാര്യയായ സി.പി.എം. സ്ഥാനാര്ത്ഥിക്ക്് ഹൃദയാഭിവാദ്യവുമായി ആര്.എം.പി. നേതാവ് കെ.കെ. രമ. മുന് സിപിഎം വിമതനെ സ്ഥാനാര്ഥിയാക്കുന്നതിനെ ചൊല്ലി ഷൊര്ണൂരില് സി.പി.എമ്മില് പുകച്ചില്.
പയ്യന്നൂര് രാമന്തളി പഞ്ചായത്തിലേക്ക് മത്സരിക്കുന്ന ആര്.എഎസ്.എസുകാര് കൊലപ്പെടുത്തിയ സി.പി.എം. രക്തസാക്ഷി ധന്രാജിന്റെ ഭാര്യയാണ് സജിനിയ്ക്കാണ് സാമൂഹ്യ മാധ്യമത്തിലൂടെ ആര്എംപി നേതാവും രക്തസാക്ഷിയായ ടിപി ചന്ദ്രശേഖരന്റെ ഭാര്യയുമായ കെ കെ രമ പിന്തുണ പ്രഖ്യാപിച്ചിരിക്കുന്നതും. അവരുടെ സ്ഥാനാര്ത്ഥിത്ത്വത്തെ കുറിച്ചുള്ള സമൂഹ മാധ്യമ പോസ്റ്റിന് താഴെ ഈ സ്ഥാനാര്ത്ഥിത്ത്വത്തെ നെഞ്ചോട് ചേര്ക്കുന്നു എന്നാണ് കെകെ രമ കമന്റിട്ടിരിക്കുന്നത്.
അമ്മയുടെയും ഭാര്യയുടെയും പിഞ്ചുമക്കളുടെയും മുന്നിലിട്ട് 2016 ജൂലൈ 11ന് രാത്രിയാണ് ധനരാജിനെ വെട്ടിക്കൊന്നത്. ബാലസംഘത്തിലൂടെ പൊതുരംഗത്തേക്ക് വന്ന ധനരാജ് ഡിവൈഎഫ്ഐ കുന്നരു മേഖലാ സെക്രട്ടറി, പയ്യന്നൂര് ബ്ലോക്ക് കമ്മിറ്റിയംഗം, സിപിഐ എം ഏഴിമല ബ്രാഞ്ച് സെക്രട്ടറി, പാര്ടി ലോക്കല് വളണ്ടിയര് ക്യാപ്റ്റന് എന്നീ നിലകളില് പ്രവര്ത്തിച്ചിരുന്നു. സി.പി.എം. നേതൃത്വത്തില് സജിനിക്ക് വീട് നിര്മിച്ച് നല്കിയിരുന്നു. ''മുറിവേറ്റ ഒരു ഹൃദയ സമാനമായ അവസ്ഥയിലൂടെ കടന്നുപോകുന്ന മറ്റൊരാളെ ചേര്ത്തുപിടിക്കുന്നു'' എന്നാണ് സജിനിയുടെ പോസ്റ്ററിന് താഴെ രമയുടെ കമന്റ്. ഇതോടെ കെ.കെ. രമയെ തേടി അഭിനന്ദിക്കുന്ന കമന്റുകളും വ്യാപകമാണ്.
