സൗദി: സ്വകാര്യ മേഖലയില് സ്വദേശികളുടെ മിനിമം വേതനം വര്ധിപ്പിച്ച നടപടി നിലവിലുള്ളതും പുതുതായി പ്രവേശിക്കുന്നതുമായ എല്ലാവര്ക്കും ബാധകമായിരിക്കുമെന്ന് മന്ത്രാലയം.
ദിവസങ്ങള്ക്ക് മുമ്പാണ് സ്വദേശികളുടെ മിനിമം വേതനം രാജ്യത്ത് ഉയര്ത്തിയത്. മാനവ വിഭവശേഷി സാമൂഹിക വികസന മന്ത്രാലയ വക്താവ് നാസര് അല് ഹസനിയാണ് ഇത് സംബന്ധിച്ച വിശദീകരണം നല്കിയത്.
രാജ്യത്ത് അടുത്തിടെ പ്രഖ്യാപിച്ച സ്വദേശികളുടെ സ്വാകാര്യ മേഖലയിലെ മിനിമം വേതന വര്ധനവ് എല്ലാവര്ക്കും ബാധകമായിരിക്കും. പദ്ധതി നടപ്പിലാക്കുന്നതിന് രാജ്യത്തെ സ്വകാര്യ സ്ഥാപനങ്ങള്ക്ക് മന്ത്രാലയം നിര്ദ്ദേശം നല്കിക്കഴിഞ്ഞു.
പുതിയ തീരുമാനം അഞ്ച് മാസത്തിനകം പ്രാബല്യത്തില് വരുത്താനാണ് നിര്ദ്ദേശം. പുതുക്കിയ മിനിമം വേതനത്തിന് അനുസൃതമായിട്ടാണ് ഇനി മുതല് നിതാഖാത്ത് വ്യവസ്ഥയിലെ സ്വദേശി അനുപാതവും നിശ്ചയിക്കുക.
