മുംബൈ: ബോളിവുഡ് നടി കങ്കണാറാണത്തും മഹാരാഷ്ട്ര സര്ക്കാരിനെ നയിക്കുന്ന ശിവസേനയും തമ്മിലുള്ള പോര് തുടരുന്നു. വീട്ടില് എന്ഫോഴ്സ്മെന്റ് ഡയറക്ട്രേറ്റ് അന്വേഷണം നടത്തിയതില് ജനപ്രതിനിധി എന്ന സവിശേഷാധികാരം ലംഘിക്കപ്പെട്ടെന്ന് ആരോപിച്ച് നടിക്കെതിരേ ശിവസേന എംഎല്എ പ്രതാപ് സര്നായികിന്റെ അവകാശ ലംഘന നോട്ടീസ്. മഹാരാഷ്ട്ര ലെജിസ്ളോറ്റീവ് അസംബഌ പ്രിന്സിപ്പല് സെക്രട്ടറിക്കാണ് നോട്ടീസ് നല്കിയത്.
ജനപ്രതിനിധി എന്ന നിലയിലുള്ള തന്റെ മുഖം നഷ്ടപ്പെടുത്തുമെന്ന് നടി ഭീഷണിപ്പെടുത്തിയതായും വീട്ടില് നിന്നും പാകിസ്താനി ക്രെഡിറ്റ് കാര്ഡ് കണ്ടെത്തിയെന്ന് ആരോപണം ഉന്നയിച്ച് വീട്ടില് ഇ.ഡി.യെ ക്കൊണ്ടു റെയ്ഡ് നടത്തിച്ചെന്നമാണ് നോട്ടീസില് ആരോപിച്ചത്. ഇ.ഡി. തന്റെ വീട്ടില് റെയ്ഡ് നടത്തിയെങ്കിലും സംശയാസ്പദമായി ഒന്നും കണ്ടെത്താനായില്ല. സര്നായിക്കിനെയും മകനെയും ചോദ്യം ചെയ്യാന് ഇ.ഡി. വിളിക്കുകയും ഇരുവരും ചോദ്യം ചെയ്യലിനോട് സഹകരിക്കുകയും ചെയ്തു.
തന്നെ അപമാനിക്കുന്ന രീതിയില് അടിസ്ഥാനരഹിതമായ വാര്ത്ത നടി ഇലക്ട്രോണിക് മീഡിയയിലും പ്രിന്റ് മീഡിയയിലും പുറത്തുവിടുകയും റെയ്ഡില് അസ്വാഭാവികമായി ഒന്നും കണ്ടെത്തിയില്ലെന്ന് ഇ.ഡി. വ്യക്തമാക്കുകയും ചെയ്തതായി സര്നായീക് പറഞ്ഞു. ഇക്കാര്യത്തില് നടിക്കെതിരേയുള്ള തന്റെ പരാതി മഹാരാഷ്ട്രാ അസംബഌയിലെ പ്രിവിലേജ് കമ്മറ്റിക്ക് വിടാനാണ് പ്രിന്സിപ്പല് സെക്രട്ടറിയോട് എംഎല്എ ആവശ്യപ്പെട്ടിരിക്കുന്നത്. കങ്കണയ്ക്കും വാര്ത്താ സ്ഥാപനങ്ങള്ക്കും എതിരേ അടിയന്തിര നടപടി എടുക്കണമെന്നും ആവശ്യപ്പെട്ടിരിക്കുകയാണ്. മുംബൈ നഗരത്തെക്കുറിച്ച് കങ്കണ നടത്തിയ പരാമര്ശം മുതല് നടിയും ശിവസേനയും തമ്മില് രൂക്ഷമായ പോര് നടക്കുകയാണ്.
