പാലാ: തദ്ദേശ ഭരണ തെരഞ്ഞെടുപ്പില് പാലായില് ഇടതുമുന്നണിക്കുണ്ടായ വിജയം അഭിമാനകരമാണെന്ന് കേരള കോണ്ഗ്രസ് എം ചെയര്മാന് ജോസ് കെ.മാണി. കേരള കോണ്ഗ്രസിനേയും ഇടതുമുന്നണിയേയും സംബന്ധിച്ച് ചരിത്ര വിജയമാണ്. എക്കാലവും യു.ഡി.എഫിനൊപ്പം നിന്ന ജില്ലയും മധ്യതിരുവിതാംകൂറും എല്.ഡി.എഫിലായി. കേരള കോണ്ഗ്രസ് വിജയിച്ച എല്ലാ സീറ്റുകളിലും ഇത്തവണയും മത്സരിച്ചു വിജയിക്കാന് കഴിഞ്ഞു. രാഷ്ട്രീയ മാറ്റത്തിനു തുടക്കം കുറിച്ചുവെന്നും ജോസ് കെ.മാണി പറഞ്ഞു.
യഥാര്ത്ഥ കേരള കോണ്ഗ്രസ് ഏതാണെന്ന് തെരഞ്ഞെടുപ്പ് കമ്മീഷനും കോടതിയും ഇപ്പോള് ജനങ്ങളും തെരഞ്ഞെടുത്തുകഴിഞ്ഞു. കെ.എം മാണിയെ ന ചതിച്ച് തള്ളിപ്പറഞ്ഞവര്ക്കുള്ള മറുപടിയായി കാണുന്നു. കേരളത്തില് ഇടതു ജനാധിപത്യമുന്നണിക്ക് വലിയ മുന്നേറ്റം കാണുന്നു. അത് ജനക്ഷേമ വികസന പദ്ധതികളുമായി മുേന്നാട്ടുപോകുമ്പോള് അതിന്റെ മികവ് ഇടിച്ചുകാണിക്കാന് ്രശമിച്ചവര്ക്കുള്ള തിരിച്ചടിയാണെന്നും ജോസ് കെ. മാണി പറഞ്ഞു.
യഥാര്ത്ഥ സ്ഥിതി ജനങ്ങള് തിരിച്ചറിഞ്ഞുകഴിഞ്ഞു. ചിലര് പദവിക്കു വേണ്ടി മാത്രം കേരള കോണ്ഗ്രസിനെ വഞ്ചിച്ച് മറുപക്ഷത്തേക്ക് പോയി. എന്നാല് എമ്മിലെ സ്ഥാനാര്ത്ഥികള് പതിറ്റാണ്ടുകളായി നില്ക്കുന്നവരാണ്. അത് സ്ഥാനാര്ത്ഥി പട്ടിക നോക്കുമ്പോള് വ്യക്തമാകും.
ഒരു കാരണവുമില്ലാതെ പടിയടച്ച് ഇറക്കിവിട്ട കോണ്ഗ്രസിനും ജനങ്ങള് മറുപടി കൊടുത്തു. ചില മേഖലകളില് അവിശുദ്ധ ബന്ധങ്ങള് നടന്നിട്ടുണ്ട്. അതൊക്കെ പരിശോധിക്കട്ടെയെന്നും ജോസ് കെ മാണി പറഞ്ഞു.
