കൊല്ക്കത്ത: ബിഹാര് മുഖ്യമന്ത്രി നിതീഷ് കുമാറിന് മുന്നറിയിപ്പുമായി കോണ്ഗ്രസ് നേതാവ് അധീര് രഞ്ജന് ചൗധരി. 'അരുണചല് സിന്ഡ്രമില്' നിന്ന് രക്ഷപ്പെടാനുള്ള മറുമരുന്നായി പ്രതിപക്ഷപാര്ട്ടികളുമായി സഖ്യമുണ്ടാക്കുക മാത്രമാണ് നിതീഷിന് മുന്നിലുള്ള വഴിയെന്നാണ് അധീര് രഞ്ജന് ചൗധരി മുന്നറിയിപ്പ് നല്കിയിരിക്കുന്നത്.
അരുണാചല് പ്രദേശില് കഴിഞ്ഞ ദിവസം ജെഡിയുവില് നിന്ന് ആറ് എംഎല്എമാര് ബിജെപിയില് ചേര്ന്നിരുന്നു. ഇതിനെയാണ് അരുണാചല് സിന്ഡ്രം എന്ന് ചൗധരി വിശേഷിപ്പിച്ചത്. 2019ല് 41 സീറ്റുമായി ബിജെപി അരുണാചലില് അധികാരത്തില് എത്തിയപ്പോള് ഏഴ് എംഎല്എമാരുള്ള ജെഡിയു ആയിരുന്നു മുഖ്യപ്രതിപക്ഷം. എന്നാല് ഏഴില് ആറ് എംഎല്എമാര് ബിജെപിയില് എത്തിയതോടെ ജെഡിയു ഒരു സീറ്റിലേക്ക് ഒതുങ്ങി.
ഈ സാഹചര്യത്തിലാണ് ബിജെപിയുടെ അസമാന്യ വേട്ടയാടല് കഴിവിനെ പരാമര്ശിച്ച് അധീര് രംഗത്തെത്തിയത്. 'പ്രിയപ്പെട്ട നിതീഷ് കുമാര് വടക്കു കിഴക്കന് മേഖലയിലെ കാടുകളിലെ കുപ്രസിദ്ധി നേടിയ വേട്ടക്കാരെപ്പോലെയാണ് ബിജെപി. ഏതു സാഹചര്യങ്ങളോടും ചേര്ന്നു നില്ക്കുന്നവര് അതീവ ചാതൂര്യമുള്ള വേട്ടക്കാര്' അധീര് കുറിച്ചു.
അവിടെ സംഭവിച്ചതുപോലെ ബിഹാറിലും ജെഡിയു നേരി ടേണ്ടി വരും. ഇതിന് ഒരു മറുമരുന്നേയുള്ളൂ സംസ്ഥാനത്തെ പ്രതിപക്ഷവുമായി സഖ്യം സ്ഥാപിക്കുക. അല്ലെങ്കില് അരുണാചല് സിന്ഡ്രത്തിന്റെ മുന്നില് പിടിച്ചു നില്ക്കാനാവില്ലെന്നും ബംഗാള് കോണ്ഗ്രസ് അധ്യക്ഷന് അധീര് പറഞ്ഞു.
