തിരുവനന്തപുരം: സംസ്ഥാനത്തെ ഡ്രൈവിംഗ് സ്കൂളുകളുടെ പ്രവര്ത്തനം നിയന്ത്രിക്കാനൊരുങ്ങി സര്ക്കാര്. ഡ്രൈവിംഗ് പഠിപ്പിക്കുന്നതിനായി ഈടാക്കുന്ന ഫീസ്, പഠന നിലവാരം എന്നീ കാര്യങ്ങളിലാണ് സര്ക്കാര് ഇടപെടുന്നത്. ഇതിനായി പ്രത്യേകസമിതിക്കു നിര്ദ്ദേശം നല്കി.
നിലവില് ഓരോ ഡ്രൈവിംഗ് പരിശീലകരും ഈടാക്കുന്ന ഫീസുകള് വ്യത്യസ്ഥമാണ്. ഇവ ഏകീകരിക്കുക എന്നതിനോടൊപ്പം പഠന നിലവാരം നിശ്ചയിക്കാനുമാണ് സര്ക്കാര് ലക്ഷ്യമിടുന്നത്. ട്രാന്സ്പോര്ട്ട് കമ്മീഷ്ണര് അദ്ധ്യക്ഷനായ സമിതിയാണ് ഇതുസംബന്ധിച്ച റിപ്പോര്ട്ടു തയ്യാറാക്കുന്നത്.
