ന്യൂഡല്ഹി: ഹരിയാനയിലുഗ, പഞ്ചാബിലും കര്ഷകര് നടത്തിയ പ്രതിഷേധം അക്രമത്തില് കലാശിച്ചതിനു പിന്നാലെ അതിരൂക്ഷ വിമര്ശനമുയര്ത്തി ഹരിയാന മുഖ്യമന്ത്രി മനോഹര്ലാല് ഖട്ടര്. കര്ഷക സമരം നടത്തുന്നവര് ഇത്തരം പ്രതിഷേധങ്ങളിലുടെ തുറന്നുകാട്ടപ്പെടുകയാണെന്നും അദേഹം തുറന്നടിച്ചു.
കര്ഷക നേതാക്കള് പറഞ്ഞ വാക്ക് പാലിച്ചില്ലെന്നും ഖട്ടര് കുറ്റപ്പെടുത്തി. അഭിപ്രായങ്ങ ള് പ്രകടിപ്പിക്കാന് രാജ്യത്ത് എല്ലാവര്ക്കും അധികാരമുണ്ട്. എന്നാല് അത് അക്രമത്തിന്റെ മാര്ഗത്തിലുടെ ആകരുതെന്നും അദേഹം പറഞ്ഞു.
പ്രതീകാത്മക സമരം മാത്രമാണ് ഇന്ന് നടത്തുകയെന്നാണ് കര്ഷക നേതാക്കള് അറിയിച്ചിരുന്നതെന്നും ഇത്തരം സംഭവങ്ങള് സമരമുഖത്തുള്ളവര്ക്ക് ദുഷ്പേര് സമ്മാനിക്കുകയേ ഉള്ളുവെന്നും ഖട്ടര് പറഞ്ഞു.
ഹരിയാനയിലെ കര്ണാലില് കാര്ഷിക നിയമങ്ങളെ അനുകൂലിച്ച് ഖട്ടാറിന്റെ നേതൃത്വത്തില് നടത്താനിരുന്ന മഹാപഞ്ചായത്ത് സംഘര്ഷത്തെ തുടര്ന്ന് റദ്ദാക്കിയിരുന്നു.
