കോഴിക്കോട്: നിയമസഭാ തെരഞ്ഞെടുപ്പില് മത്സരിക്കാനൊരുങ്ങി പിജെ ജോസഫിന്റെ മകൻ അപു ജോണ് ജോസഫ്. കോഴിക്കോട്ട് നിന്നാണ് അപു മത്സരിക്കാനൊരുങ്ങുന്നത്.
കേരള കോണ്ഗ്രസ് നിലവില് മത്സരിക്കുന്ന പേരാമ്പ്ര സീറ്റ് മുസ്ലിം ലീഗിനു നല്കി പകരം ലീഗിന്റെ കൈവശമുളള തിരുവമ്പാടിയില് അപുവിന സ്ഥാനാര്ത്ഥിയാക്കാനാണ് നീക്കം. കോഴിക്കോട്ടെ മലയോര മേഖലകളില് പാര്ട്ടിക്ക് ശക്തമായ അടിത്തറയുണ്ടെന്നും കാര്യത്തില് പാര്ട്ടി തീരുമാനമെടുക്കുമെന്നും അപു പറഞ്ഞു.
കേരള കോണ്ഗ്രസ് ജോസഫ് വിഭാഗം സ്റ്റിയറിംഗ് കമ്മിറ്റി അംഗവും പാര്ട്ടിയുടെ കീഴിലുളള ഗാന്ധിജി സ്റ്റഡി സെന്റര് വൈസ് ചെയര്മാനും ആണെങ്കിലും പിജെ ജോസഫിന്റെ മകന് അപു ജോണ് ജോസഫ് ഇതുവരെ തെരഞ്ഞെടുപ്പ് രാഷ്ട്രീയത്തിലിറങ്ങിയിരുന്നില്ല. നിര്ണായകമായ നിയമസഭാ തെരഞ്ഞെടുപ്പില് അപുവിനെ കളത്തിലിറക്കാനാണ് ജോസഫ് വിഭാഗത്തിന്റെ ആലോചന.
പാര്ട്ടി മത്സരിച്ചു വരുന്ന പേരാമ്പ്രയിൽ സാധ്യത തീര്ത്തും വരളമായതിനാലാണ് ലീഗിന്റെ കൈവശമുളള തിരുവമ്പാടി സീറ്റിനുള്ള ശ്രമം നടത്തുന്നത്.
കത്തോലിക്കാ സഭയ്ക്ക് നിര്ണായക സ്വാധീനമുളള തിരുവമ്പാടിയില് അപുവിനെ ഇറക്കിയാല് കാര്യങ്ങള് അനുകൂലമാകുമെന്നാണ് കേരള കോണ്ഗ്രസ് വിലയിരുത്തല്.
